ନୂଆଦିଲ୍ଲୀ: ଶେଷ ହୋଇଛି ବିହାର ନିର୍ବାଚନ । ନିର୍ବାଚନ ଆୟୋଗଙ୍କ ତଥ୍ୟ ଅନୁଯାୟୀ ବିହାର ବିଧାନସଭା ନିର୍ବାଚନରେ ଅପରାଧିକ ମାମଲା ଥିବା 1100 ରୁ ଅଧିକ ପ୍ରାର୍ଥୀ ପ୍ରତିଦ୍ବନ୍ଦିତା କରିଛନ୍ତି ।
ବିହାର ବିଧାନସଭା ନିର୍ବାଚନ ତୃତୀୟ ପର୍ଯ୍ୟାୟ ମତଦାନ ଶେଷ ହେବା ପରେ ଶନିବାର ନିର୍ବାଚନ ଆୟୋଗ ଦେଇଥିବା ତଥ୍ୟ ଅନୁଯାୟୀ ତିନୋଟି ପର୍ଯ୍ୟାୟ ନିର୍ବାଚନରେ 371 ମହିଳାଙ୍କ ସମେତ ମୋଟ 3,733 ପ୍ରାର୍ଥୀ ବିବାଦରେ ଜଡିତ ଥାଇ ନିର୍ବାଚନରେ ଭାଗ ନେଇଥିଲେ । ସର୍ଭେ ସଂସ୍ଥା ୱାଚଡଗ ଅନୁଯାୟୀ ମୋଟ 1,157 ଜଣ ପ୍ରାର୍ଥୀଙ୍କ ପୁରୁଣା ଅପରାଧିକ ମାମଲାରେ ଜଡିତ ରହିଛନ୍ତି । କାହିଁକି ନିର୍ବାଚନରେ ଅପରାଧିକ ପୃଷ୍ଠଭୂମି ଥିବା ପ୍ରାର୍ଥୀ ଚୟନ କରିଛନ୍ତି ବୋଲି ସୁପ୍ରିମକୋର୍ଟ ପ୍ରଶ୍ନ କରିଥିଲେ । ଚଳିତ ବର୍ଷ ଫେବୃଆରୀରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ନିର୍ବାଚନ କମିଶନ ମାର୍ଚ୍ଚରେ ରାଜନୈତିକ ଦଳମାନଙ୍କୁ ପ୍ରଶ୍ନ କରିଥିଲେ ।