ନୂଆଦିଲ୍ଲୀ: ଜମ୍ମୁ ସୀମାରେ କିଛି ଦିନ ହେବ ଡ୍ରୋନ ଉଡୁଥିବାରେ ଦେଖିବାରୁ ମିଳିଛି । ଏହାକୁ ମାତ ଦେବାକୁ ଡିଆରଡିଓ ପକ୍ଷରୁ ଉଦ୍ୟମ ଆରମ୍ଭ ହୋଇଛି । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ପକ୍ଷରୁ କାଉଣ୍ଟର ଡ୍ରୋନ ଟେକ୍ନୋଲୋଜିର ନିର୍ମାଣ କରାଯାଇଛି । ଏହା ଦେଶକୁ ସୁରକ୍ଷା ଦେବ ବୋଲି କହିଛନ୍ତି DRDOର ଇସିଏସ ଜିଲେଲା ମୁଦି ମଞ୍ଜୁଲା ।
ରବିବାର ଜମ୍ମୁରେ ହୋଇଥିବା ଡ୍ରୋନ ଆକ୍ରମଣକୁ ମାତ ଦେଇଛି D-4 ଡ୍ରୋନ ପ୍ରଣାଳୀ । ଡ୍ରୋନ ଆକ୍ରମଣ ଦ୍ବାରା ଦୁଇ ଯବାନ ଆହତ ହୋଇଥିଲେ । D-4 ଡ୍ରୋନ ସିଷ୍ଟମ 4 କିଲୋମିଟର ପର୍ଯ୍ୟନ୍ତ ଆକ୍ରମଣ ଚିହ୍ନଟ କରିପାରୁଛି । ଏହି ସିଷ୍ଟମ ଅସୁରକ୍ଷିତ ସ୍ଥାନ ଗୁଡିକରେ ହେଉଥିବା ଆକ୍ରମଣକୁ ରୋକିବାରେ ସହାୟକ ହେବ । ଡ୍ରୋନ ଆକ୍ରମଣକୁ ଧ୍ବଂସ କରିବା ପାଇଁ D-4 ଡ୍ରୋନରେ ଏକାଧିକ ସେନ୍ସର ଏବଂ ଦୁଇଟି ଭିନ୍ନ ପ୍ରତିପକ୍ଷ ଆକ୍ରମଣ ରହିଛି ।