ନୂଆଦିଲ୍ଲୀ:ଦିଲ୍ଲୀ ଅବକାରୀ ଦୁର୍ନୀିତିରେ କେନ୍ଦ୍ରୀୟ ତଦନ୍ତକାରୀ ସଂସ୍ଥାର କାର୍ଯ୍ୟାନୁଷ୍ଠାନ ପରେ BJP ଓ ଆମ ଆଦମୀ ପାର୍ଟି (AAP) ମଧ୍ୟରେ ରାଜନୈତିକ ଆରୋପ ପ୍ରତ୍ୟାରୋପ ମଧ୍ୟ ତୀବ୍ର ହେବାରେ ଲାଗିଛି । ଆଜି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନିଷ ସିସୋଦିଆ ବିଜେପି ଉପରେ ସାଙ୍ଘାତିକ ଅଭିଯୋଗ ଆଣିଥିବା ବେଳେ ମୁଖ୍ୟମନ୍ତ୍ରୀ ତଥା ଦଳ ମୁଖ୍ୟ କେଜ୍ରିଓ୍ବାଲ ମଧ୍ୟ ସଂଧ୍ୟାରେ BJP ବିରୋଧରେ ବର୍ଷିଛନ୍ତି । କେଜ୍ରିଓ୍ବାଲ କହିଛନ୍ତି, ‘‘ଅନ୍ୟ ରାଜ୍ୟଗୁଡିକ ପରି ଦିଲ୍ଲୀରେ ମଧ୍ୟ BJP ଅପରେସନ ଲୋଟସ (Operation lotus) ମାଧ୍ୟମରେ ସରକାର ଭାଙ୍ଗିବାକୁ ଉଦ୍ୟମ କରିଛି । କିନ୍ତୁ BJPକୁ ଏଥିରେ ସଫଳତା ମିଳିନାହିଁ (Operation Lotus fails in Delhi) ।’’
ଏହା ପୂର୍ବରୁ ସଙ୍ଗୀନ ଅଭିଯୋଗ ଆଣିଥିଲେ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ (Manish Sisodia)। ତାଙ୍କୁ ଦଳରେ ସାମିଲ କରିବା ପାଇଁ ବିଜେପି ଚାହୁଁଥିଲା । AAP ଛାଡି BJP ରେ ସାମିଲ ହେଲେ ତାଙ୍କ ବିରୋଧରେ ଚାଲିିଥିବା ସମସ୍ତ ମାମଲାର ତଦନ୍ତକୁ ବନ୍ଦ କାରାଯିବ ବୋଲି ବିଜେପି ପକ୍ଷରୁ ପ୍ରସ୍ତାବ ଆସିଥିବା ସିସୋଦିଆ କହଥିଲେ । ଏପରି ନକରିବାରୁ ତାଙ୍କ ବିରୋଧରେ ଆକ୍ରୋଶମୂଳକ କାର୍ଯ୍ୟାନୁଷ୍ଠାନ ଜାରି ରହିଥିବା ସେ ଅଭିଯୋଗ କରିଥିଲେ । ଆହୁରି ମଧ୍ୟ ସେ ଦଳ ମୁଖ୍ୟ ତଥା ପ୍ରତିଷ୍ଠାତା କେଜ୍ରିଓ୍ବାଲଙ୍କ ନିଜର ରାଜନୈତିକ ଗୁରୁ ବୋଲି କହିବା ସହ କାହା ଆଗରେ ମୁଣ୍ଡ ନୁଆଁଇବେ ନାହିଁ ବୋଲି ମଧ୍ୟ କହିଥିଲେ ସିସୋଦିଆ ।