ମୁମ୍ବାଇ:ମହାରାଷ୍ଟ୍ର ଗଙ୍ଗାପୁରରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ବୃଦ୍ଧାଙ୍କୁ ମାଡ ମାରିବା ଅଭିଯୋଗ । ଜଣେ ବୃଦ୍ଧାଙ୍କୁ ଉଲଗ୍ନ କରି ଅତି ନିର୍ଦ୍ଦୟ ଭାବରେ ମାଡ ମରାଯାଉଥିବା ଦେଖିବାକୁ ମିଳିଛି । ଅଭିଯୁକ୍ତଙ୍କ ଝିଅକୁ ଅପହରଣ କରଯାଇଥିବା ଅଭିଯୋଗ କରି ଏହି ପରି କାଣ୍ଡ ଘଟାଇଛନ୍ତି । ସବୁଠୁ ବିଚଳିତ କରିଛି ଅଭିଯୁକ୍ତ ବୃଦ୍ଧାଙ୍କୁ ମାଡ ମାରୁଥିବା ସମୟରେ ଏହାର ଭିଡିଓ ରେକର୍ଡ କରିଛି । ପରବର୍ତ୍ତି ସମୟରେ ଏହି ଭିଡିଓସୋସିଆଲ ମିଡିଆରେ ଭାଇରାଲ ହୋଇଛି । ଏହି ଘଟଣାରେ 3 ଅଭିଯୁକ୍ତଙ୍କ ବିରୋଧରେ ଗାଙ୍ଗପୁର ପୋଲିସ ଷ୍ଟେସନରେ ମାମଲା ରୁଜ୍ଜୁ ହୋଇଛି ।
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ପୀଡିତା ବୃଦ୍ଧା ଜଣକ ତାଙ୍କ ନାତି ସହ ଗଙ୍ଗାପୁର ତାଲୁକା ଫାଟାର ବସ୍ତିରେ ରୁହନ୍ତି । ଓଜର ଗାଁର ବିବେକ ଛଦ୍ମନାମ ଛଭାଲ୍ୟ ପିମ୍ପଲ ବୃଦ୍ଧାଙ୍କ ଘରକୁ ଆସି ତାଙ୍କ ଝିଅକୁ ତାଙ୍କ ନାତି ଅପହରଣ କରି ନେଇଥିବା କହିଥିଲେ । ଅଭିଯୁକ୍ତମାନେ ଏହାକୁ ନେଇ ବୃଦ୍ଧାଙ୍କୁ ଘରୁ ଉଠାଇ ନେଇ ନିର୍ଦ୍ଦୟ ଭାବରେ ପିଟିଥିଲେ । ସେତିକିରେ ଅଭିଯୁକ୍ତମାନେ ଶାନ୍ତ ପଡି ନଥିଲେ ତାଙ୍କର କ୍ରୋଧ ଏତେ ମାତ୍ରରେ ବଢିଥିଲା ସେ ସେ ହିତାହିତ ଜ୍ଞାନ ଭୁଲି ଯାଇଥିଲେ । ବୃଦ୍ଧାଙ୍କୁ ଉଲଗ୍ନ କରି ନିର୍ଦ୍ଦୟ ଭାବରେ ପିଟିଥିଲେ । ପୀଡିତା ବୃଦ୍ଧା ଜଣକ ଯେତେ ଗୁହାରି କରିଥିଲେ ବି କ୍ରୋଧ ବଶବର୍ତ୍ତୀ ଅଭିଯୁକ୍ତଙ୍କୁ କିଛି ଦେଖାଯାଉନଥିଲା ।