ଭୋପାଳ: ମଧ୍ୟପ୍ରଦେଶ ରାଜଧାନୀରୁ ଛାତି ଥରାଇବା ଭଳି ପାଶବିକତା ସାମ୍ନାକୁ ଆସିଛି । ଏଠାରେ ସ୍କୁଲ ବସ୍ରେ ଜଣେ ସାଢେ ୩ ବର୍ଷୀୟା ନର୍ସରୀ ଛାତ୍ରୀଙ୍କୁ ଦୁଷ୍କର୍ମ କରାଯାଇଛି(Nursery kid raped inside school bus) । ବସ୍ ଡ୍ରାଇଭର ଶିଶୁ ସହ ଦୁଷ୍କର୍ମ କରିଛି । ବସ୍ରେ ଜଣେ ମହିଳା ହେଲ୍ପର(woman helper)ଙ୍କ ଉପସ୍ଥିତିରେ ଜହ୍ଲାଦ ଡ୍ରାଇଭର ଏହି କାଣ୍ଡ ଭିଆଇଛି । ପୋଲିସ ଉଭୟ ସ୍କୁଲ ବସ୍ ଡ୍ରାଇଭର ଏବଂ ମହିଳା ହେଲ୍ପରଙ୍କୁ ଗିରଫ କରିଛି ।
ସୂଚନାଯୋଗ୍ୟ, ବସ୍ ଡ୍ରାଇଭର ଜଣକ ସ୍କୁଲରୁ ଘରକୁ ଫେରିବା ସମୟରେ ଶିଶୁକନ୍ୟାକୁ ଦୁଷ୍କର୍ମ କରିଥିଲା । ପିଲାଟିର ଗୁପ୍ତାଙ୍ଗରେ ଯନ୍ତ୍ରଣା ହେବାରୁ ସେ ନିଜର ମାଆଙ୍କୁ ଜଣାଇଥିଲେ । ମାଆ ମଧ୍ୟ ଝିଅ ଦେହରେ ଦାଗ ଦେଖି ପଚାରିବାରୁ ପୀଡିତା ବସ୍ରେ ଘଟିଥିବା ସମସ୍ତ ଘଟଣା କହିଥିଲେ । ଏହାପରେ ପରିବାର ଲୋକେ ସ୍କୁଲ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରିଥିଲେ । ହେଲେ କର୍ତ୍ତୃପକ୍ଷ ଏହି ଅଭିଯୋଗକୁ ଖଣ୍ଡନ କରିଦେଇଥିଲେ । ଅନ୍ୟପଟେ ବସ୍ରେ ଥିବା ମହିଳା ହେଲ୍ପରଙ୍କ ଉପସ୍ଥିତିରେ ଏସବୁ ଘଟିଥିବା ବେଳେ ସେ ମଧ୍ୟ ଏହାକୁ ଚାପି ଦେବାକୁ ଚେଷ୍ଟା କରିଥିଲେ ।