ନୂଆଦିଲ୍ଲୀ: ସୋମବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ଏହା ରାଜ୍ୟ ସରକାର ସହ ଲଢିବା ସମୟ ନୁହେଁ । ଏହା କୋରୋନା ଭାଇରସ ମହାମାରୀ ସହ ମୁକାବିଲା କରିବାର ସମୟ । ପଶ୍ଚିମବଙ୍ଗର ମୁଖ୍ୟ ଶାସନ ସଚିବ ଆଲାପନ୍ ବନ୍ଦୋପାଧ୍ୟାୟଙ୍କୁ ହଠାତ୍ ସ୍ଥାନାନ୍ତର କରାଯାଇଥିବା ଖବର ଉପରେ କେଜ୍ରିୱାଲ ପ୍ରତିକ୍ରିୟା ପ୍ରକାଶ କରିଛନ୍ତି ।
ଟ୍ବିଟ କରି କେଜ୍ରିୱାଲ ପ୍ରତିକ୍ରିୟା ରଖିଛନ୍ତି । ଏହାସହ ଏକ ନ୍ୟୁଜ୍ ରିପୋର୍ଟ ମଧ୍ୟ ପୋଷ୍ଟ କରିଛନ୍ତି । ଏହି ସମୟରେ ରାଜ୍ୟକୁ ସହାୟତା କରିବା ଉଚିତ୍, ସେମାନଙ୍କୁ ଟିକା ଦେବା ଉଚିତ୍, ରାଜ୍ୟ ସରକାରଙ୍କ ସହ ମିଶି କାମ କରିବା ଠିକ୍ ବୋଲି କହିଛନ୍ତି କେଜ୍ରିୱାଲ ।