ଥିରୁଅନନ୍ତପୁରମ: ଗାନ୍ଧୀ ପରିବାରରୁ କେହି ପରବର୍ତ୍ତୀ ସଭାପତି ହେବେ ନାହିଁ । କଂଗ୍ରେସ ନେତା ରାହୁଲ ଗାନ୍ଧୀ ସଭାପତି ନିର୍ବାଚନ ଦୌଡରେ ନାହାନ୍ତି । ଏନେଇ ଆଜି ସ୍ପଷ୍ଟ କରିଛନ୍ତି ବରିଷ୍ଠ କଂଗ୍ରେସ ନେତା ତଥା ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ(Chief Minister Ashok Gehlot) । ଗେହଲଟ କହିଛନ୍ତି,‘‘ ମୁଁ ସଭାପତି ପଦ ପାଇଁ ରାହୁଲ ଗାନ୍ଧୀଙ୍କୁ ବହୁବାର ଅନୁରୋଧ କରିଲି । କିନ୍ତୁ ଗାନ୍ଧୀ ପରିବାରରୁ କେହି ବି ଏହି ପଦରେ ବସିବେ ନାହିଁ ବୋଲି ସେ ସଫା ସଫା କହିଛନ୍ତି । କିଛି କାରଣକୁ ନେଇ ରାହୁଲ ଏହି ନିଷ୍ପତ୍ତି ନେଇଛନ୍ତି । ''
ସୂଚନାଯୋଗ୍ୟ, ଭାରତ ଯୋଡୋ ଯାତ୍ରା ପାଇଁ ରାହୁଲ ଗାନ୍ଧୀ ବର୍ତ୍ତମାନ କେରଳରେ ଅଛନ୍ତି । ଏହି ଯାତ୍ରାରେ ସାମିଲ ହେବାକୁ ରାଜସ୍ଥାନ ମୁଖ୍ୟମନ୍ତ୍ରୀ ତଥା ସଭାପତି ନିର୍ବାଚନ ଦୌଡରେ ସବୁଠୁ ଆଗରେ ଥିବା ଗେହଲଟ ମଧ୍ୟ କେରଳରେ ରହିଛନ୍ତି । ସେଠାରେ ସେ ରାହୁଲଙ୍କୁ ସହ ସଭାପତି ପଦ ପାଇଁ ଆଲୋଚନା କରିବା ପରେ ଗାନ୍ଧୀ ପରିବାରରୁ କେହି ସଭାପତି ହେବେ ନାହିଁ(no member of the Gandhi family) ବୋଲି ଗଣମାଧ୍ୟମକୁ କହିଛନ୍ତି ।