ନୂଆଦିଲ୍ଲୀ: କୋରାନାର ଦ୍ବିତୀୟ ଲହରରେ ଅନେକ ଜୀବନ ଦୀପ ଲିଭି ଯାଇଥିଲା । ସେହି ସମୟରେ ଗଙ୍ଗା ନଦୀରେ ବହୁ ସଂଖ୍ୟକ ମୃତଦେହ ଭାସିବା ଘଟଣା ସାମ୍ନାକୁ ଆସିଥିଲା । ସେ ସମୟରେ ଏ ଘଟଣା ଚର୍ଚ୍ଚାର ବିଷୟ ପାଲଟିଥିଲା । ତେବେ ନଦୀରେ କେତେ ମୃତଦେହ ଭାସୁଥିଲା ସେ ନେଇ କେନ୍ଦ୍ର ସରକାରଙ୍କ ପାଖରେ ତଥ୍ୟ ନଥିବା ରାଜ୍ୟସଭାରେ କହିଛନ୍ତି ଜଳଶକ୍ତି ରାଷ୍ଟ୍ରମନ୍ତ୍ରୀ ବିଶେଶ୍ବର ଟୁଡୁ ।
ତୃଣମୂଳ କଂଗ୍ରେସ ଏମପି ଡେରେକ ଓ' ବ୍ରଏନଙ୍କ ପ୍ରଶ୍ନରେ ଜଳଶକ୍ତି ରାଷ୍ଟ୍ରମନ୍ତ୍ରୀ ବିଶେଶ୍ବର ଟୁଡୁ ଏହି ଉତ୍ତର ଦେଇଛନ୍ତି। ଭାସୁଥିବା ମୃତଦେହଗୁଡିକୁ କୋଭିଡ ପ୍ରୋଟୋକଲ ସହ ସତ୍କାର ହୋଇଥିଲା କି ନାହିଁ ସେ ବାବଦରେ ଜାଣିବାକୁ ଚାହିଁ ଥିଲେ । ଏହାର ଉତ୍ତରରେ କେନ୍ଦ୍ରମନ୍ତ୍ରୀ ବିଶେଶ୍ବର ଟୁଡୁ କହିଥିଲେ କେତେକ ମୃତଦେହର କେହି ଦାବିଦାର ନଥିଲେ । ଅନେକ ମୃତଦେହକୁ ଚିହ୍ନଟ କରାଯାଇ ପାରି ନଥିବା କହିଛନ୍ତି ବିଶେଶ୍ବର ଟୁଡୁ ।