ନୂଆଦିଲ୍ଲୀ:ଅଲମ୍ପିକରେ ଇତିହାସ ରଚିଛି ଭାରତ । 100 ବର୍ଷ ପରେ ଅଲମ୍ପିକର ଆଥଲେଟିକ୍ସରେ ସ୍ବର୍ଣ୍ଣ ପଦକ ବିଜୟୀ ହୋଇଛି ଭାରତ । ଚଳିତ ଟୋକିଓ ଅଲମ୍ପିକରେ ଭାରତର ନୀରଜ ଚୋପ୍ରା ଜାଭେଲିନ ଥ୍ରୋ ରେ ସ୍ବର୍ଣ୍ଣ ପଦକ ହାସଲ କରିଛନ୍ତି । ଅଲମ୍ପିକ ଇତିହାସରେ ଭାରତ ଆଥଲେଟ ବିଭାଗରେ ଏହା ସର୍ବଶ୍ରେଷ୍ଠ ପ୍ରଦର୍ଶନ । ଏହି ମୂହୂର୍ତ୍ତକୁ ସାରା ଭାରତ ବାସୀ ଅନୁଭବ କରିଛନ୍ତି ସାରା ଭାରତରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ରାଷ୍ଟ୍ରପତି, ପ୍ରଧାନମନ୍ତ୍ରୀ, କ୍ରୀଡାବିତଙ୍କ ଠାରୁ ଆରମ୍ଭ କରି ସାରା ଦେଶବାସୀଙ୍କ ଠାରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।
ଅଲମ୍ପିକରେ ନୀରଜ ଚୋପ୍ରା ଗୋଲ୍ଡ ମେଡାଲ ହାସଲ କଲା ପରେ ରାଷ୍ଟ୍ରପତି ରାମନାଥ କୋବିନ୍ଦ ଶୁଭେଚ୍ଛା ଜଣାଇଛନ୍ତି । ଅପ୍ରତିଦ୍ବନ୍ଦି ଭାବରେ ନିଜର ପ୍ରଦର୍ଶନ କରି ସ୍ବର୍ଣ୍ଣପଦକ ହାସଲ କରିଛନ୍ତି । ଅଲମ୍ପିକସର ଆଥଲେଟରେ ଭାରତର ପଦକ ମରୁଡିରେ ପୂର୍ଣ୍ଣଛେଦ ପକାଇ ସ୍ବର୍ଣ୍ଣ ପଦକ ହାସଲ କରିଛନ୍ତି । ଏହି କୀର୍ତ୍ତିମାନ ଆଗାମୀ ଯୁବକମାନଙ୍କୁ ପ୍ରେରଣା ଦେବ । ଭାରତ ଗର୍ବିତ । ହାର୍ଦ୍ଦିକ ଅଭିନନ୍ଦନ ।
ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ନୀରଜ ଚୋପ୍ରାଙ୍କୁ ଶୁଭେଚ୍ଛା ଜଣାଇଛନ୍ତି । ଆଜି ଅଲମ୍ପକରେ ଇତିହାସ ଲେଖାହୋଇଛି । ଆଜି ହାସଲ କରିଥିବା କୃତିତ୍ବ ସବୁଦିନ ପାଇଁ ସ୍ମରଣୀୟ ହୋଇ ରହିବ | ଯୁବକ ନୀରଜ ଅତ୍ୟନ୍ତ ଭଲ ପ୍ରଦର୍ଶନ କରିଛନ୍ତି। ସେ ଅଦ୍ଭୁତ ଉତ୍ସାହ ସହିତ ଖେଳିଲେ ଏବଂ ଅପୂର୍ବ ସାହାସ ଦେଖାଇଲେ | ଅଲମ୍ପିକରେ ସ୍ବର୍ଣ୍ଣ ବିଜୟୀ ହୋଇଥିବାରୁ ଅଭିନନ୍ଦନ ଜଣାଇଛନ୍ତି ପିଏମ ମୋଦି ।