ନୂଆଦିଲ୍ଲୀ: ଇସ୍ରାଏଲ ଦୂତାବାସ ନିକଟରେ ହୋଇଥିବା ବିସ୍ଫୋରଣ ଯାଞ୍ଚ କରୁଥିବା ଏନଆଇଏ ହାତରେ ଲାଗିଛି ବଡ ସଫଳତା । ସାମ୍ନାକୁ ଆସିଛି ଏହି ମାମଲା ସହ ଜଡିତ 2 ସନ୍ଦିଗ୍ଧଙ୍କ ଛବି ।
ଗତ ଜାନୁଆରୀ 29ରେ ଇସ୍ରାଏଲ୍ ଦୂତାବାସ ବାହାରେ ବିସ୍ଫୋରଣ ପରେ ଏନଆଇଏ ଏହାର ତଦନ୍ତ ଭାର ହାତକୁ ନେଇଥିଲା। ବର୍ତ୍ତମାନ ଏହି ଘଟଣାରେ ଦୁଇଜଣ ସନ୍ଦିଗ୍ଧଙ୍କ ଫଟୋ ସିସିଟିଭିରେ ହୋଇଛି କଏଦ ।
29 ଜାନୁଆରୀ ସନ୍ଧ୍ୟାରେ ଇସ୍ରାଏଲ୍ ଦୂତାବାସ ନିକଟରେ ଏକ ବିସ୍ଫୋରଣ ହୋଇଥିଲା | ଏହି ବିସ୍ଫୋରଣରେ ପ୍ରାୟ 5-6 ଗାଡି କ୍ଷତିଗ୍ରସ୍ତ ହୋଇଥିଲା । ତେବେ ଏହି ଘଟଣାରେ କେହି ମୃତାହତ ହୋଇନଥିଲେ ।
ଏହି ବିସ୍ଫୋରଣ ସେତେବେଳେ ଘଟିଥିଲା ଯେତେବେଳେ ଘଟଣାସ୍ଥଳରୁ ମାତ୍ର କିଛି ଦୂରରେ ଚାଲିଥିଲା ବିଟିଙ୍ଗ ରିଟ୍ରିଟ୍ କାର୍ଯ୍ୟକ୍ରମ । ଦେଶର ବଡ ଭିଆଇପି ସେଠାରେ ଉପସ୍ଥିତ ଥିଲେ । ଦିଲ୍ଲୀ ପୋଲିସର ସ୍ପେଶାଲ ସେଲ ବର୍ତ୍ତମାନ ପର୍ଯ୍ୟନ୍ତ ଘଟଣାର ତଦନ୍ତ କରୁଛି। ଦିଲ୍ଲୀ ପୋଲିସ ଏଫ୍ଆଇଆର୍ ଏବଂ ସମସ୍ତ ପ୍ରମାଣ ଏନଆଇଏକୁ ହସ୍ତାନ୍ତର କରିଛି।