ସିମଲା : ଭୂସ୍ଖଳନରେ ଥରିଲା ଦେବଭୂମି । ହିମାଚଳ ପ୍ରଦେଶର କିନ୍ନୌର ଚୌରରେ ଭୂସ୍ଖଳନ ହୋଇଛି । ଫଳରେ ୫ ନମ୍ବର ଜାତୀୟ ରାଜପଥ ବନ୍ଦ ହୋଇଯାଇଛି । ଆସନ୍ତା ୭୫ ଘଣ୍ଟା ପର୍ଯ୍ୟନ୍ତ ଗମନାଗମନ ବନ୍ଦ ରହିବ । ପ୍ରବଳ ବର୍ଷା ଯୋଗୁଁ ଭୂସ୍ଖଳନ ହୋଇଥିବା ସୂଚନା ମିଳିଛି ।
ସୂଚନା ଅନୁସାରେ, ହିମାଚଳ ପ୍ରଦେଶର କିନ୍ନୌର ଚୌରରେ ମଙ୍ଗଳବାର ବଡ ଧରଣର ଭୂସ୍ଖଳନ ହୋଇଛି । ବଡ ବଡ ପଥର ଖଣ୍ତ ରାସ୍ତା ଉପରେ ପଡିବାରୁ ରାସ୍ତା ଅବରୋଧ ହୋଇଯାଇଛି । ଭୂସ୍ଖଳନ ହେବା ଯୋଗୁଁ ଯାନବାହନ ଗମନାଗମନ ବାଧାପ୍ରାପ୍ତ ହୋଇଛି ।