ନେପାଳ ସେନାକୁ ଭାରତୀୟ ସେନାର 1 ଲକ୍ଷ କୋଭିଡ୍ ଟିକା ଉପହାର

ନେପାଳ ଆର୍ମିକୁ 1 ଲକ୍ଷ କୋରୋନା ଟିକା ଉପହାରରେ ଦେଲା ଇଣ୍ଡିଆନ ଆର୍ମି । ଟିକା ଧରି ନେପାଳର ତ୍ରିଭୁବନ ଅନ୍ତର୍ଜାତୀୟ ବିମାନ ବନ୍ଦରରେ ପହଞ୍ଚିଲା ଏୟାର ଇଣ୍ଡିଆ ବିମାନ। ମଜଭୁତ ହେବ ଉଭୟ ଦେଶର ସମ୍ପର୍କ। ଅଧିକ ପଢନ୍ତୁ...

କାଠମାଣ୍ଡୁ: ନେପାଳକୁ ଭାରତ ବଢାଇଲା ସହାୟତାର ହାତ। ଦେଶର ସେନାକୁ 1 ଲକ୍ଷ କୋଭିଡ୍ ଟିକା ଉପହାର ଦେଇଛି ଭାରତୀୟ ସେନା। ରବିବାର ଭାରତୀୟ ସେନା ଏହି ଟିକାକୁ ନେପାଳ ସେନାଙ୍କୁ ହସ୍ତାନ୍ତର କରିଛି।

ଏୟାରଇଣ୍ଡିଆ ବିମାନ ଯୋଗେ ଭ୍ୟାକ୍ସିନ ଭାରତୀୟ ସେନା ଅଧିକାରୀମାନେ ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରେ ନେପାଳ ସେନା ପକ୍ଷରୁ ସେମାନଙ୍କ ପ୍ରତିପକ୍ଷଙ୍କୁ ପ୍ରଦାନ କରିଛନ୍ତି। କାଠମାଣ୍ଡୁରେ ଥିବା ଭାରତୀୟ ଦୂତାବାସ ସୂତ୍ରରୁ ପ୍ରକାଶ ଯେ, ଭାରତୀୟ ସେନା ନେପାଳ ସେନାକୁ ଭାରତରେ ନିର୍ମିତ କୋଭିଡ୍ 19 ଟିକାର ଏକ ଲକ୍ଷ ଡୋଜ୍ ପ୍ରଦାନ କରିଛି। ଯାହା ସେନାର ପରାକ୍ରମକୁ ବଢାଇବ।

ଏହା ପୂର୍ବରୁ ଭାରତ ବିଭିନ୍ନ ଦେଶକୁ ଟିକା ଯୋଗାଇବା ଆରମ୍ଭ କରିଥିବା ବେଳେ ନେପାଳକୁ 1 ମିଲିୟନ ଡୋଜ୍ ଯୋଗାଇଥିଲା। ଏହାସହ ଔଷଧ ଏବଂ ଟେଷ୍ଟିଂ କିଟ୍ ମଧ୍ୟ ପହଁଞ୍ଚାଇଛି। ନେପାଳରେ ଏବେ ପର୍ଯ୍ୟନ୍ତ 276,839 କୋରୋନା ମାମଲା ଚିହ୍ନଟ ହୋଇଥିବା ବେଳେ 3,027 ଜଣ ରିପୋର୍ଟ କରିଛନ୍ତି।