ନୂଆଦିଲ୍ଲୀ: ରାଷ୍ଟ୍ରପତି ନିର୍ବାଚନ ପାଇଁ ଆସନ୍ତାକାଲି (10 ତାରିଖ) ଦିଲ୍ଲୀରେ ଏକାଠି ହେବେ ବିଜେପି ନେତୃତ୍ବାଧୀନ NDA ମେଣ୍ଟର ନେତୃମଣ୍ଡଳୀ । ଜୁଲାଇ 18 ତାରିଖରେ ସଂସଦ ମୌସୁମୀ ଅଧିବେଶନ ଆରମ୍ଭ ହେଉଥିବାରୁ ଉଭୟ ରାଷ୍ଟ୍ରପତି ନିର୍ବାଚନ ଓ ଅଧିବେଶନ ପାଇଁ ଏହି ବୈଠକ ଅନୁଷ୍ଠିତ ହେଉଥିବା ସୂଚନା ମିଳିଛି । ଏହି ଦୁଇ ଅଧିବେଶନରେ NDA ନେତା ମେଣ୍ଟର ରଣନୀତି ନେଇ ଆଲୋଚନା କରିବେ ।
ଏହି ବୈଠକରେ ଉଭୟ ଗୃହର ସମସ୍ତ NDA ସାଂସଦ ଉପସ୍ଥିତ ରହିବେ । ରାଷ୍ଟ୍ରପତି ନିର୍ବାଚନରେ ଅଂଶଗ୍ରହଣ ପ୍ରକ୍ରିୟା ନେଇ ଆଲୋଚନା ହେବା ସହ ଭୋଟିଂ ପ୍ରକ୍ରିୟା ନେଇ ମଧ୍ୟ ଏକ ମକଡ୍ରିଲ ମଧ୍ୟ ହୋଇପାରେ । ବୈଠକରେ ତମାମ ଶୀର୍ଷ ନେତାଙ୍କ ସହ ପ୍ରଧାନମନ୍ତ୍ରୀ ମଧ୍ୟ ସାମିଲ ହେବେ । କାର୍ଯ୍ୟକ୍ରମ ଶେଷରେ ସଦସ୍ୟମାନଙ୍କ ପାଇଁ ଏକ ନୈଶ୍ୟଭୋଜି ମଧ୍ୟ ରଖାଯାଇଛି ।