ନୂଆଦିଲ୍ଲୀ:ମହାରାଷ୍ଟ୍ର ପାୱାର ପ୍ଲେ' ଏବେ ମୌସୁମୀରେ ରାଜନୀତି ମାହୋଲକୁ ଉଷ୍ମ କରିଛି । ଏନସିପି ଦୁଇଫାଳ ହେବା ସହ ପାୱାର ବନାମ ପାୱାର ଲଢେଇ ରୋଚକ ସ୍ଥିତିରେ ରହିଛି । ଏବେ ଅଜିତ ପାୱାରଙ୍କୁ ଗଦ୍ଦାର ଦର୍ଶାଇ ଏକ ପୋଷ୍ଟର ଜାରି ହୋଇଛି । ଶରଦ ପାୱାରଙ୍କ ସମର୍ଥକ ବିଦ୍ରୋହୀ ଅଜିତ ପାୱାରଙ୍କୁ ଗଦ୍ଦାର ଦର୍ଶାଇ ଦିଲ୍ଲୀସ୍ଥିତ ପାର୍ଟି ଅଫିସରେ ବାହୁବଳୀ ସିନେମାର ଗୋଟିଏ ଦୃଶ୍ୟର ପୋଷ୍ଟର ଜାରି ଟାର୍ଗେଟ କରିଛି । ଏନସିପି ଛାତ୍ର ସଂଘ ପକ୍ଷରୁ ପୋଷ୍ଟର ଲଗାଇ ଯାଇ ଅଜିତ ପାୱାରଙ୍କୁ ଟାର୍ଗେଟ କରାଯାଇଛି ।
ଏହା ବି ପଢନ୍ତୁ...NCP vs NCP: ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି ଅଜିତ ପାୱାର
ଜାରି ହୋଇଥିବା ପୋଷ୍ଟରରେ ବାହୁବଳି ଚଳଚ୍ଚିତ୍ରରେ କଟ୍ଟପା ବାହୁବଳୀକୁ ପଛରୁ ଛୁରୀ ଭୁଷିବା ସମୟରେ ଦୃଶ୍ୟ ରହିଛି । ସେଥିରେ କଟ୍ଟପାକୁ ଅଜିତ ପାୱାର ଓ ଅମରେନ୍ଦ୍ର ବାହୁବଳୀକୁ ଅଜିତ ପାୱାର ଦର୍ଶାଯାଇ ଅଜିତଙ୍କୁ ଗଦ୍ଦାର ବୋଲି କୁହିଛନ୍ତି ଶରଦ ପାୱାରଙ୍କ ସମର୍ଥକ । ରାଷ୍ଟ୍ରବାଦୀ ବିଦ୍ୟାର୍ଥୀ କଂଗ୍ରେସ ଛାତ୍ର ପକ୍ଷରୁ ପୋଷ୍ଟର ଲଗାଯାଇଛି । ପୋଷ୍ଟରେ ଲେଖା ରହିଛି "ଗଦ୍ଦାର, ସାରା ଦେଶ ଦେଖୁଛି, ନିଜ ଲୋକଙ୍କ ଭିତରେ ଲୁଚି ରହିଥିବା ଗଦ୍ଦାରକୁ । ଜନତା କ୍ଷମା କରିବେ ନାହିଁ । ନକଲି ମୁଖା ପିନ୍ଧା ଗଦ୍ଦାରକୁ ଲୋକ କେବେ କ୍ଷମା କରିବେ ନାହିଁ ।"