ଶ୍ରୀନଗର: ଜମ୍ମୁ କାଶ୍ମୀରର ନ୍ୟାସନାଲ କନଫରେନ୍ସ ନେତା ହିଲାଲ ଲୋନ ଗିରଫ ହୋଇଥିବା ନେଇ ଖବର ସାମ୍ନାକୁ ଆସିଛି । ହିଲାଲଙ୍କୁ UAPA ଆଇନ ଆଧାରରେ ଗିରଫ କରାଯାଇଛି । ତାଙ୍କ ବିରୋଧରେ ଏକ ରାଲିରେ ଉତ୍ତେଜନାପୂର୍ଣ୍ଣ ଭାଷଣ ଦେବାର ଅଭିଯୋଗ ରହିଛି ।
ଗତବର୍ଷ ଜମ୍ମୁ କାଶ୍ମୀର ବିକାଶ ପରିଷଦ(DDC) ନିର୍ବାଚନ ସମୟରେ ବାନ୍ଦିପୋରାର ଏକ ରାଲିରେ ହିଲାଲ ଲୋନ ଉତ୍ତେଜନାପୂର୍ଣ୍ଣ ଭାଷଣ ଦେଇଥିବା ଅଭିଯୋଗ ହୋଇଥିଲା । ନ୍ୟାସନାଲ କନଫରେନ୍ସ ସାଂସଦ ମହମ୍ମଦ ଆକବର ଲୋନଙ୍କ ପୁଅ ହିଲାଲଙ୍କୁ ସୋମବାର ବିଧାୟ ହଷ୍ଟେଲରୁ ଗିରଫ କରାଯାଇଥିଲା । ଏଠାରେ ସେ ଡିସେମ୍ବରରୁ ଗୃହବନ୍ଦୀ ରହିଥିଲେ ।