ରାୟପୁର: ନକ୍ସଲ ନିପାତ ଅଭିଯାନରେ ସୁରକ୍ଷାକର୍ମୀ । ଛତିଶଗଡ ସୁକମା ତିମାପୁରମରେ ସୁରକ୍ଷା କର୍ମୀ-ନକ୍ସଲ ଗୁଳି ବିନିମୟ ହୋଇଥିଲା । ଏଥିରେ ଜଣେ ନକ୍ସଲର ମୃତ୍ୟୁ ହୋଇଥିବା ସ୍ଥାନୀୟ ପୋଲିସ ପକ୍ଷରୁ ସ୍ପଷ୍ଟ କରାଯାଇଛି ।
ଜିଲ୍ଲା ରିଜର୍ଭ ଗାଡ ଏବଂ ସିଆରପିଏଫର କୋବ୍ରା ୨୦୧ ବାଟାଲିୟନଙ୍କ ମିଳିତରେ ଏହି ଅପରେସନ ଆରମ୍ଭ ହୋଇଥିଲା । ତିମାପୁରମ ଜଙ୍ଗଲ ଅଞ୍ଚଳରେ ନକ୍ସଲ ଗତିବିଧି ଜାରି ରହିଥିବା ନେଇ ସୂଚନା ମିଳିବା ପରେ ସ୍ଥାନୀୟ ପୋଲିସ ପ୍ରଶାସନ ନେତୃତ୍ବରେ ଅର୍ଦ୍ଧସାମରିକ ବାହିନୀ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହା ପରେ ସୁରକ୍ଷାକର୍ମୀ ଓ ନକ୍ସଲ ମୁହାଁମୁହିଁ ହେବା ସହ ଉଭୟ ପଟୁ ଗୁଳି ବିନିମୟ ଆରମ୍ଭ ହୋଇଥିଲା । କିଛି ସମୟର ଗୁଳି ବିନିମୟରେ ଜଣେ ନକ୍ସଲର ମୃତ୍ୟୁ ହୋଇଥିବା ସୂଚନା ଦେଇଛନ୍ତି ସୁକମା ଏସପି ସୁନୀଲ ଶର୍ମା ।