ଭୁବନେଶ୍ବର: ଓଡିଶା ଉପକୂଳରୁ ନାଭାଲ ଆଣ୍ଟି-ସିପ୍ ମିସାଇଲର ସଫଳ ପରୀକ୍ଷଣ କଲା ଭାରତୀୟ ନୌସେନା । ଆଜି ନୌସେନା ଓ ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ (DRDO) ର ମିଳିତ ସମନ୍ବୟରେ ଏକ ନୌସେନା ହେଲିକପ୍ଟରରୁ ଏହି ସ୍ବଦେଶୀ ମିସାଇଲର ପରୀକ୍ଷଣ ସଫଳ ହୋଇଛି ।
ଉତ୍ତର ଓଡିଶା ଉପକୂଳ ବାଲେଶ୍ବର ଜିଲ୍ଲାରେ ଥିବା ସମନ୍ବିତ ପରୀକ୍ଷଣ ରେଞ୍ଜ (ITR)ରୁ ଏହି ପରୀକ୍ଷଣ କରାଯାଇଥିଲା
। ସମୁଦ୍ର ମଧ୍ୟରେ ପରୀକ୍ଷଣ ସଫଳ ହୋଇଛି । ନୌସେନା ହେଲିକପ୍ଟରରୁ ଏହାକୁ ଉତକ୍ଷେପଣ କରାଯାଇଥିଲା। ପରୀକ୍ଷଣ ସଫଳ ହେବା ସହ କ୍ଷେପଣାସ୍ତ୍ରଟି ସଠିକ ସମୟରେ ନିର୍ଦ୍ଧାରିତ ଟାର୍ଗେଟକୁ ଭେଦ କରିଛି । ଆଜିର ପରୀକ୍ଷଣ ସପଳ ହେବା ପରେ ପରୀକ୍ଷଣ ସମୟର ଏକ ଭିଡିଓ ମଧ୍ୟ ଜାରି କରିଛି ନୌସେନା । ସ୍ବଦେଶୀ ଜ୍ଞାନକୌଶଳରେ ଏହି କ୍ଷେପଣାସ୍ତ୍ର ପ୍ରଣାଳୀକୁ ବିକଶିତ କରିଛି DRDO ।