ନୁଆଦିଲ୍ଲୀ: ଦକ୍ଷ ସାଂଗଠନିକ ସଂଗଠକ ସୁନୀଲ ବଂଶଲ (Sunil Bansal ) ଙ୍କୁ ପଦନ୍ନୋତି ଦେଇଛି ଦଳ । ଉତ୍ତର ପ୍ରଦେଶ ସଂଗଠନ ସମ୍ପାଦକ (Up General Secretary Organization) ରୁ ଜାତୀୟ ସାଧାରଣ ସମ୍ପାଦକ ଭାବେ ନୂଆ ନିଯୁକ୍ତି ଦେଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ନୂଆ ନିଯୁକ୍ତି ସହ ବିଜେପି ଫୋକସରେ ଥିବା ଓଡିଶା, ତେଲେଙ୍ଗାନା ଓ ପଶ୍ଚିମବଙ୍ଗ (Sunil Bansal appointed as the state in charge of the party for West Bengal, Odisha and Telangana) ପ୍ରଭାରୀ ଭାବେ ମଧ୍ୟ ଦଳ ନୂଆ ଦାୟିତ୍ବ ଦେଇଛି ସୁନିଲଙ୍କୁ । ଏନେଇ ଆଜି ବିଜେପି ମୁଖ୍ୟାଳୟରୁ ବିଜ୍ଞପ୍ତି ପ୍ରକାଶ ପାଇଛି ।
ଜଣେ ଉଚ୍ଚ ଶିକ୍ଷିତ, ଦୂରଦୃଷ୍ଟି ସମ୍ପନ୍ନ କଠୋର ପରିଶ୍ରମି ନେତା ଭାବେ ଜଣାଶୁଣା ସୁନୀଲ ଉତ୍ତର ପ୍ରଦେଶ ରାଜନୀତିରେ ନିଜର ଦକ୍ଷତା, ବଳିଷ୍ଠ ନେତୃତ୍ବ ଦେଖାଇ ସାରିଛନ୍ତି । ବିଜେପି ଚାଣକ୍ୟ ଅମିତ ଶାହ 2014 ସାଧାରଣ ନିର୍ବାଚନ ପୂର୍ବରୁ ସୁନିଲଙ୍କୁ ନୂଆ ନିଯୁକ୍ତି ସହ ସାଂଗଠନିକ ଦାୟିତ୍ବ ଦେଇଥିଲେ ।