କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଆଜି (ଶନିବାର) ବିଜେପି ନିଜ ଦଳୀୟ ପ୍ରାର୍ଥୀ ଘୋଷଣା କରିଛି । ପ୍ରଥମ ଓ ଦ୍ବିତୀୟ ପର୍ଯ୍ୟାୟରେ ହେବାକୁ ଥିବା ନିର୍ବାଚନ ପାଇଁ 57 ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି । ଚର୍ଚ୍ଚିତ ଚେହେରା ଶୁଭେନ୍ଦୁ ଅଧିକାରୀଙ୍କୁ ବିଜେପି ଗୁରୁତ୍ବପୂର୍ଣ୍ଣ ନନ୍ଦିଗ୍ରାମରୁ ଟିକେଟ ଦେଇଛି ।
କାହିଁକି ଚର୍ଚ୍ଚାରେ ନନ୍ଦିଗ୍ରାମ ?
ବର୍ଷ 2016 ରେ ନନ୍ଦିଗ୍ରାମରୁ ନିର୍ବାଚନ ଜିତି ଶୁଭେନ୍ଦୁ ଅଧିକାରୀ ରାଜ୍ୟ ବିଧାନସଭାକୁ ପହଞ୍ଚିଥିଲେ । ବେଙ୍ଗଲ ରାଜନୀତିରେ ‘ଅଧିକାରୀ’ ପରିବାରର ବଡ ଭୂମିକା ରହିଛି । ଶୁଭେନ୍ଦୁ ଅଧିକାରୀଙ୍କ ପରିବାର ରାଜ୍ୟର ପାଖାପାଖି 70 ଟି ବିଧାନସଭା ଆସନରେ ପ୍ରଭାବ ରଖୁଛନ୍ତି । ସେହିପରି 2007 ଆନ୍ଦୋଳନର ନାୟକ ଥିଲେ ଶୁଭେନ୍ଦୁ ଅଧିକାରୀ । ସେହି ଆନ୍ଦୋଳନରୁ ଲେଫ୍ଟକୁ ଧରାଶାୟୀ କରି ଶୁଭେନ୍ଦୁ ମମତାଙ୍କୁ ରାଜ୍ୟ ଶାସନ ଗାଦିରେ ପହଞ୍ଚାଇ ଦେଇଥିଲେ ।