ନୂଆଦିଲ୍ଲୀ:ଆଜି(ରବିବାର) 83ତମ ମନ କି ବାତ୍ (Mann Ki Baat) ରେଡିଓ କାର୍ଯ୍ୟକ୍ରମରେ (Monthly Radia program) ଦେଶବାସୀଙ୍କୁ ମନର କଥା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi)। ୧୯୭୧ରେ ପାକିସ୍ତାନ ଉପରେ ଭାରତର ବିଜୟକୁ ୫୦ ବର୍ଷ ପୂରଣ ହୋବାକୁ ଯାଉଥିବାରୁ ସେନାବାହିନୀକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । କେବଳ କ୍ଷମତାରେ ରହିବା ନୁହେଁ ଦେଶ ସେବା କରିବା ତାଙ୍କ ଲକ୍ଷ୍ୟ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଆସନ୍ତା ମାସ ୧୬ ତାରିଖରେ ଦେଶ ନୌସେନା ଦିବସ ଓ ସଶସ୍ତ୍ର ବାହିନୀ ଦିବସ ପାଳନ କରିବାକୁ ଯାଉଛି । ୧୯୭୧ ଯୁଦ୍ଧରେ ପାକିସ୍ତାନ ଉପରେ ଭାରତର ବିଜୟକୁ ସୁବର୍ଣ୍ଣ ଜୟନ୍ତୀ ଭାବରେ ପାଳନ କରାଯିବ । ଏହି ଅବସରରେ ମୁଁ ଆମ ଦେଶର ହିରୋ ସେନା ବିଶେଷ କରି ଏହି ଯୋଦ୍ଧାଙ୍କୁ ଜନ୍ମ ଦେଇଥିବା ସେ ମାଆମାନଙ୍କୁ ସ୍ମରଣ କରିବାକୁ ଚାହିଁଥିବା କହିଛନ୍ତି ମୋଦି । ଝାନସି ରାଣୀ ଲକ୍ଷ୍ମୀବାଈଙ୍କ ଅବଦାନ ବିଷୟରେ ମଧ୍ୟ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ।
ସେ ଆହୁରି କହିଛନ୍ତି ‘ମୁଁ ବର୍ତ୍ତମାନ କ୍ଷମତାରେ ରହିବାକୁ ଚାହୁଁଛି ନାଁ ଭବିଷ୍ୟତରେ । ଦେଶବାସୀଙ୍କୁ ପ୍ରଧାନ ସେବକ ଭାବେ ସେବା ଯୋଗାଇବା ମୋର ପ୍ରଥମ ଲକ୍ଷ୍ୟ । ବିଭିନ୍ନ ସରକାରୀ ଯୋଜନାରେ ଆମେ ଲୋକଙ୍କ ଜୀବନରେ ପରିବର୍ତ୍ତନ ଆଣିଛୁ । ଏହା ମୋତେ ଆତ୍ମସନ୍ତୋଷ ଦେଇଛି । ଯାହା ମୁଁ ଜୀବନରେ ଖୋଜିଥିଲି’ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଏହା ସହିତ ସବକା ସାଥ ଓ ସବକା ବିକାଶ ବିଷୟରେ ମଧ୍ୟ କହିଛନ୍ତି । ଜାଲନରେ ଥିବା ଏକ ପାରମ୍ପରିକ ନୁନ ନଦୀ ବିଷୟରେ କହି ମୋଦି କହିଛନ୍ତି ଏହି ନଦୀ ଚାଷୀଙ୍କ ପାଇଁ ପାଣି ପ୍ରମୁଖ ଉତ୍ସ ଥିଲା । ହେଲେ ଧୀରେ ଧୀରେ ଏହା ହଜିଯିବାକୁ ଲାଗିଲା । ଜାଲନର ଲୋକ ଏହି ନଦୀକୁ ଉଦ୍ଧାର କରିବାକୁ ପ୍ରୟାସ ଆରମ୍ଭ କଲେ । ଚଳିତ ବର୍ଷ ମାର୍ଚ୍ଚରେ ଏ ନେଇ ଏକ କମିଟି ଗଠନ କରାଗଲା । ହଜାର ହଜାର ଲୋକ ଏହି ଅଭିଯାନରେ ଯୋଗ ଦେଲେ । ଆଉ ଆଜି ଏହି ନଦୀ ପୁଣି ଜୀବିତ ହୋଇଛି । ଚାଷୀଙ୍କୁ ସହାୟ ହୋଇଛି । ଏହା ପ୍ରମାଣିତ କରିଛି ଯେ ମନରୁ କଛି ବି କରିବାକୁ ଭାବିନିଅ ସବୁ ଅସମ୍ଭବ କାର୍ଯ୍ୟ ସମ୍ଭବ ହୋଇଥାଏ ।