ନୂଆଦିଲ୍ଲୀ: ବାୟୁସେନା ମୁଖ୍ୟ ଦାୟିତ୍ବ ନେବା ପରେ ପ୍ରତିକ୍ରିୟା ରଖିଲେ ଏୟାର ମାର୍ଶାଲ ବିବେକ ରାମ ଚୌଧୁରୀ । ଦେଶର ସୁରକ୍ଷା ମୋର ପ୍ରଥମ ପ୍ରାଥମିକତା ବୋଲି ସେ କହିଛନ୍ତି ।
ଏଥିସହ ସେ କହିଛନ୍ତି ଯେ, 'ବାୟୁ ଶକ୍ତିର ଉପଯୁକ୍ତ ଏବଂ ସଠିକ୍ ବ୍ୟବହାର ଦ୍ୱାରା ଦେଶର ନିରାପତ୍ତାକୁ ପ୍ରାଧାନ୍ୟ ଦିଆଯିବ । ଦ୍ୱିତୀୟତଃ, ଭବିଷ୍ୟତର ଯୁଦ୍ଧ ଆହ୍ବାନ ନେବାକୁ ଆମର ସମସ୍ତ ସୈନିକଙ୍କୁ ତାଲିମ, ପ୍ରେରଣା ଏବଂ ପ୍ରସ୍ତୁତ ରହିବା ଦିଗରେ ଗୁରୁତ୍ବ ଦିଆଯିବ । ପରବର୍ତ୍ତୀ ସମୟରେ, ଆମକୁ ସବୁ କ୍ଷେତ୍ରରେ ଆତ୍ମନିର୍ଭରଶୀଳ କରିବା ପାଇଁ 'ଆତ୍ମନିର୍ଭର ଭାରତ' ଦିଗରେ ବିଶାଳ ପଦକ୍ଷେପ ଗ୍ରହଣ କରାଯିବ ।