କୋଲକାତା:ପଶ୍ଚିମବଙ୍ଗ ବରିଷ୍ଠ ନେତା ମୁକୁଲ ରାୟ ବିଜେପି ଛାଡି ଟିଏମସି ବାହୁଡାକୁ ନେଇ ମତ ରଖିଛନ୍ତି ପଶ୍ଚିମବଙ୍ଗ ବିଜେପି ସଭାପତି ଦିଲ୍ଲୀପ ଘୋଷ । ଦିଲ୍ଲୀପ କହିଛନ୍ତି ମୁକୁଲଙ୍କ ଦଳ ଛାଡିବା ବିଜେପିରେ କୌଣସି ପ୍ରଭାବ ପକାଇବ ନାହିଁ । ସେହିପରି ଏପରି ଲୋକମାନେ ବିଜେପିରେ ରହିବା ମଧ୍ୟ ଏତେ ସହଜ ନୁହେଁ ବୋଲି କହିଛନ୍ତି ଦିଲ୍ଲୀପ ।
ଯେଉଁମାନେ ଟଙ୍କା ପାଇଁ ଦଳ ଛାଡି ବିଜେପିରେ ସାମିଲ ହୋଇଥିଲେ ସେମାନଙ୍କ ପାଇଁ ବିଜେପିରେ ତିଷ୍ଠି ରହିବା କଷ୍ଟକର । ତାଙ୍କର ବିଜେପି ଛାଡିବା ଦଳ ଉପରେ କୌଣସି ପ୍ରଭାବ ପକାଇବ ନାହିଁ । ଏହା ଦଳ ପାଇଁ କୈଣସି କ୍ଷତି କିମ୍ବା ଲାଭର ବିଷୟ ନୁହେଁ ବୋଲି କହିଛନ୍ତି ଦିଲ୍ଲୀପ । ଗତକାଲି ପଶ୍ଚିମବଙ୍ଗର ବରିଷ୍ଠ ନେତା ମୁକୁଲ ରାୟ ବିଜେପି ଛାଡି ଟିଏମସିରେ ପୁନର୍ବାର ସାମିଲ ହୋଇଥିଲେ ।