ଲକ୍ଷ୍ନୌ: ବାନ୍ଦା ଜେଲରେ ପହଞ୍ଚିଲେ ବାହୁବଳୀ ବିଧାୟକ ମୁଖତାର ଅଂସାରୀ। ମଙ୍ଗଳବାର ବିଳମ୍ବିତ ରାତିରେ ଉତ୍ତରପ୍ରଦେଶ ପୋଲିସ ବିଧାୟକଙ୍କୁ ନେଇ ବାନ୍ଦା ପହଞ୍ଚିଛି । ବସପା ବିଧାୟକଙ୍କୁ ଜେଲ ଆଣିବା ପୂର୍ବରୁ ଲକ୍ଷ୍ନୌରେ ମଙ୍ଗଳବାର ରାତିରେ ସିଏମ ଯୋଗୀଙ୍କ ବାସଭବନରେ ଏକ ବୈଠକ ବସିଥିଲା। ଏହି ବୈଠକରେ ମୁଖ୍ୟ ସଚିବ ଅବନିଶ ଅବସ୍ଥି, ଡିଜିପିଙ୍କ ସମେତ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ।
ବାହୁବଳୀ ବିଧାୟକଙ୍କ ନୂଆ ଠିକଣା ବାନ୍ଦା ଜେଲ
ବୈଠକରେ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ଯେ, ବାନ୍ଦା ଜେଲରେ ମୁଖତାର ଅଂସାରୀଙ୍କୁ କୌଣସି ଅତିରିକ୍ତ ସୁବିଧା ଯେପରି ନ ଯୋଗାଇନଦିଆଯାଇ ସାମାନ୍ୟ ବନ୍ଦି ଭଳି ରଖାଯାଉ । ଏନେଇ ରାଜ୍ୟର ଅନେକ ଜିଲ୍ଲାକୁ ଆଲର୍ଟ କରିଦିଆଯାଇଛି।