ଭୋପାଳ: ପ୍ରାର୍ଥନା ସଭାରେ 'ଭାରତ ମାତା କି ଜୟ' ସ୍ଲୋଗାନ ଦେବାରୁ ଛାତ୍ରଙ୍କୁ ଶିକ୍ଷକ ଦଣ୍ଡିତ କରିଥିବା ଅଭିଯୋଗ ହୋଇଛି । ଏଭଳି ଘଟଣା ଘଟିଛି ମଧ୍ୟପ୍ରଦେଶର ଖ୍ରୀଷ୍ଟ ସିନିୟର ମାଧ୍ୟମିକ ବିଦ୍ୟାଳୟରେ। ଏହି ଘଟଣାକୁ ନେଇ ବିଦ୍ୟାଳୟ ସମ୍ମୁଖରେ ଧାରଣାରେ ବସିଲେ ଦଣ୍ଡିତ ଛାତ୍ରଙ୍କ ପରିବାର ସହ କିଛି ସ୍ବେଚ୍ଛାସେବୀ ସଂଗଠନ । ଗତକାଲି (ବୁଧବାର) ଏହି ଘଟଣା ଘଟିଥିବା ଜଣାପଡିଛି ।
ଏନେଇ ଦଣ୍ଡିତ ହୋଇଥିବା ଛାତ୍ର ଶିବଂଶ କହିଛନ୍ତି ଯେ, ବୁଧବାର ବିଦ୍ୟାଳୟରେ ପ୍ରାର୍ଥନା ପରେ ଜାତୀୟ ସଙ୍ଗିତ ଗାନ କରାଯାଇଥିଲା । ଏହାପରେ ମୁଁ ଭାରତ ମାତା କି ଜୟ ସ୍ଲୋଗାନ ଦେଇଥିଲି । ଏହା ଶୁଣିବା ପରେ ଜଷ୍ଟିନ ସାର ଆସି ମୋତେ ଲାଇନରୁ ବାହାର କରିଦେଇ ମୋତେ ମୋ ମୋ ବାପାଙ୍କ ପାଖକୁ ଯିବାକୁ କହିଥିଲେ, କିଛି ସମୟ ପରେ ହିନ୍ଦି ଶିକ୍ଷକ ଆସି ମୋତେ ଶ୍ରେଣୀ ଶିକ୍ଷକଙ୍କୁ ଭେଟିବାକୁ କହିଥିଲେ । ମୁଁ ଶ୍ରେଣୀ ଶିକ୍ଷକଙ୍କୁ ଭେଟିବା ପରେ ମୋତେ ଘରେ ଭାରତ ମାତାକି ଜୟ ଗାନ କରିବାକୁ କହିଥିଲେ ।
ଏହାପରେ ମୁଁ କ୍ଲାସ ରୁମକୁ ଯିବା ପରେ ମୋର ଜଣେ ବନ୍ଧୁ ଭାଇସ କ୍ୟାପେଟନ ଭାବେ ମନୋନିତ ହୋଇଥିଲେ । ଏହାକୁ ନେ ମୋର ଶ୍ରେଣୀ ଶିକ୍ଷକ ଜସ୍ମିନା ଖାଟୁନ୍ ଜଣେ ବାଳକ ଶ୍ରେଣୀକୁ ଗର୍ବିତ କରୁଛି ଏବଂ ମୁଁ ଶ୍ରେଣୀର ନାମକୁ ଅପମାନିତ କରୁଛି ବୋଲି କହିଥିଲେ। ଏହା ପରେ ମ୍ୟାମ ମୋତେ ପରବର୍ତ୍ତୀ ଚାରିଟି ପିରିଅଡ ପାଇଁ ତଳେ ବସିବାକୁ କହିଥିଲେ।