ହାଇଦ୍ରାବାଦ: ଗୋଆର ପାନାଜୀ ଅନ୍ତର୍ଜାତୀୟ ବିମାନ ବନ୍ଦରରେ ଅବତରଣ କଲା ଗତକାଲି ଗୁଜୁରାଟ ଜାମନଗର ବିମାନ ବନ୍ଦରରେ ଜରୁରୀ ଅବତରଣ କରିଥିବା ମସ୍କୋ ବିମାନ (Moscow Goa chartered flight arrives in Panaji)। ଗତକାଲି ରାତିରେ ବୋମା ଥିବା ନେଇ ଧମକପୂର୍ଣ୍ଣ ମେଲ ମିଳିବା ପରେ ବିମାନକୁ ଜାମନଗରରେ ଜରୁରୀ ଅବତରଣ କରାଯାଇଥିଲା (bomb threat in Moscow Goa flight)। ଯାଞ୍ଚ ପରେ ସେଥିରେ ବୋମା କିମ୍ବା ଅନ୍ୟ କୌଣସି ସନ୍ଦେହଜନକ ସାମଗ୍ରୀ ଠାବ ହୋଇନାହିଁ । ବୋମା ଥିବା ବାର୍ତ୍ତା ଏକ ଗୁଜବ ବୋଲି ବିମାନ ବନ୍ଦର କର୍ତ୍ତୃପକ୍ଷ ସ୍ପଷ୍ଟ କରିଛନ୍ତି ।
ଗୋଆ ଏୟାର ଟ୍ରାଫିକ କଣ୍ଟ୍ରୋଲକୁ ମିଳିଥିବା ସୂଚନା ଏକ ଗୁଜବ ବୋଲି ସ୍ପଷ୍ଟ ହୋଇଛି । ଆଜି ଅପରାହ୍ନରେ ବିମାନଟି ଗନ୍ତବ୍ୟ ସ୍ଥଳ ପାନାଜୀ ବିମାନ ବନ୍ଦରର ଅବତରଣ କରିଛି । ଗତକାଲି ରାତିରେ ଏହି ବିମାନରେ ବୋମା ଥିବା ନେଇ ଗୋଆ ବିମାନ ବନ୍ଦର କର୍ତ୍ତୃପକ୍ଷଙ୍କ ମେଲ ଯୋଗେ ସୂଚନା ମିଳିଥିଲା । ବିମାନଟି ଗୁଜୁରାଟର ଜାମନଗର ବିମାନ ବନ୍ଦରରେ ଜରୁରୀ ଅବତରଣ କରିଥିଲା (bomb suspect in International Flight) । ବିମାନଟି ଅବତରଣ କରିବା ପରେ ପୋଲିସ ଓ ବମ ସ୍କ୍ବାଡ ସହ ବିମାନ ବନ୍ଦରରେ ପହଞ୍ଚି ଯାଞ୍ଚ ପ୍ରକ୍ରିୟା ଆରମ୍ଭ କରିଥିଲେ ।