ଲକ୍ଷ୍ନୌ:ଚଳିତ ବର୍ଷ ଷଷ୍ଠ ଅଯୋଧ୍ୟା ଦୀପୋତ୍ସବର (Ayodhya Deepotsav 2022) ଭବ୍ୟ ଆୟୋଜନ ପାଇଁ ପ୍ରସ୍ତୁତ ହେଉଛି ସହର । ପ୍ରାୟ ୧୪ ଲକ୍ଷ ୫୦ ହଜାର ଦୀପରେ ଝଲସି ଉଠିବ ସହର । ଏକାସାଙ୍ଗରେ ଏତେ ସଂଖ୍ୟାରେ ଦୀପ ଜଳାଇ ସ୍ଥାନୀୟ ପ୍ରଶାସନ ଗିନିଜ ବିଶ୍ବରେକର୍ଡ (Guinness Book of World Records) ସୃଷ୍ଟି କରିବା ପାଇଁ ଉଦ୍ୟମ କରିଛି ।
ଉତ୍ତରପ୍ରଦେଶର ଫୈଜାବାଦ ଜିଲ୍ଲାର ଅଯୋଧ୍ୟା ସହରରେ ଏହି ଦିବ୍ୟ ଉତ୍ସବ ପାଇଁ ପ୍ରସ୍ତୁତି ଜୋରଦାରରେ ଚାଲିଛି । ଏ ନେଇ ଗୁରୁବାର ଡିଭିଜନାଲ କମିଶନର କାର୍ଯ୍ୟାଳୟରେ ଡିଭିଜନାଲ କମିଶନର ନବଦୀପ ରିନଭାଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଛି । କୋଭିଡ଼ ମହାମାରୀ ପାଇଁ ଦୀପୋତ୍ସବ ପାଳନ ହେଉନଥିବାବେଳେ, ଚଳିତ ବର୍ଷ ଲକ୍ଷ ଲକ୍ଷ ଭକ୍ତଙ୍କ ସମାଗମ ହେବ ବୋଲି ଆଶା ରଖାଯାଇଛି । ଆସନ୍ତା ଅକ୍ଟୋବର ୨୩ ତାରିଖରେ ଆୟୋଜିତ ହେବ ଏହି ଭବ୍ୟ ଉତ୍ସବ ।