ଚଣ୍ଡିଗଡ: ଦିଲ୍ଲୀରେ ପ୍ରଧାନମନ୍ତ୍ରୀ ଟିକାଗ୍ରହଣ କରିବା ପରେ ତାଙ୍କୁ ଦେଶର ପ୍ରକୃତ ହିରୋ ବୋଲି କହି ସମ୍ବୋଧନ କରିଛନ୍ତି ହରିୟାଣାର ସ୍ବାସ୍ଥ୍ୟମନ୍ତ୍ରୀ ଅନିଲ ବିଜ । ଅନିଲ ବିଜ କହିଛନ୍ତି ଯେ ମୋଦି ଦେଶ ପାଇଁ ସର୍ବଦା ସଠିକ୍ ରାସ୍ତା ସ୍ଥିର କରନ୍ତି। ବର୍ତ୍ତମାନ ପରିସ୍ଥିତିରେ ମଧ୍ୟ ସେ ଠିକ ନିଷ୍ପତ୍ତି ନେଇଥିବା କହିଛନ୍ତି ଅନିଲ ।
ସେ ନିଜ ବିଷୟରେ ଏହା ମଧ୍ୟ କହିଛନ୍ତି ଯେ ଟିକା ପରୀକ୍ଷଣ ସମୟେର ସେ ଟିକା ଗ୍ରହଣ କରି ସାରିଛନ୍ତି। ଫଳରେ ତାଙ୍କ ଶରୀରରେ ଉଚିତ ମାତ୍ରାରେ ଆଣ୍ଟିବଡି ବିକଶିତ ହୋଇସାରିଛି । ତେଣୁ ତାଙ୍କର ବର୍ତ୍ତମାନ ପରିସ୍ଥିତିରେ ଆଉ ଟିକା ଗ୍ରହଣ କରିବାର ଆବଶ୍ୟକ ନଥିବା ସେ ସ୍ପଷ୍ଟ କରିଛନ୍ତି । ତାଙ୍କ ଶରୀରରେ ଆଣ୍ଟିବଡିର ମାତ୍ରା 300 ଥିବା ମଧ୍ୟ ପ୍ରକାଶ କରିଛନ୍ତି ଅନିଲ ।