ମୋଦିଙ୍କ ନେତୃତ୍ବରେ ଭାରତ ଶକ୍ତିଶାଳୀ ହୋଇଛି: ମିଜୋରାମ ମୁଖ୍ୟମନ୍ତ୍ରୀ

ଦିଲ୍ଲୀରେ ମୋଦିଙ୍କୁ ସାକ୍ଷାତ କରିଛନ୍ତି ମିଜୋରାମ ମୁଖ୍ୟମନ୍ତ୍ରୀ ଜୋରାମଥାଙ୍ଗା । ଭାରତର ସ୍ଥିତି ପୂର୍ବ ଅପେକ୍ଷା ଅଧିକ ଶକ୍ତିଶାଳୀ ହୋଇଛି ବୋଲି କହିଲେ ଜୋରାମଥାଙ୍ଗା । ଅଧିକ ପଢନ୍ତୁ

ନୂଆଦିଲ୍ଲୀ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଲେ ମିଜୋରାମ ମୁଖ୍ୟମନ୍ତ୍ରୀ ଜୋରାମଥାଙ୍ଗା(Mizoram CM Zoramthanga meets PM Modi) । ଆଜି ଦିଲ୍ଲୀରେ ମୋଦିଙ୍କୁ ସାକ୍ଷାତ କରିଥିଲେ ମିଜୋରାମ ମୁଖ୍ୟମନ୍ତ୍ରୀ(Mizoram Chief Minister Zoramthanga ) । ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ଟ୍ବିଟ ଯୋଗେ ସୂଚନା ପ୍ରଦାନ କରାଯାଇଛି । ପ୍ରଧାନମନ୍ତ୍ରୀ ମୋଦିଙ୍କ ତତ୍ତ୍ୱାବଧାନରେ ପ୍ରତ୍ୟେକ କ୍ଷେତ୍ରରେ ଭାରତର ସ୍ଥିତି ପୂର୍ବ ଅପେକ୍ଷା ଅଧିକ ଶକ୍ତିଶାଳୀ ହୋଇଛି ବୋଲି କହିଲେ ଜୋରାମଥାଙ୍ଗା ।

ମିଜୋରାମ ମୁଖ୍ୟମନ୍ତ୍ରୀ ଟ୍ବିଟ କରି କହିଛନ୍ତି,''ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଦେଶକୁ ଆଶୀର୍ବାଦ ପ୍ରାପ୍ତ ହୋଇଛି, ପ୍ରତ୍ୟେକ କ୍ଷେତ୍ରରେ ଭାରତ ତାର ଦୃଢତାର ପରିଚୟ ଦେଇ ସ୍ଥିତି ମଜଭୁତ କରିଛି । ପୂର୍ବ ଅପେକ୍ଷା ଭାରତର ସ୍ଥିତି ଅଧିକ ଶକ୍ତିଶାଳୀ ହୋଇଛି । ମୋତେ ମୂଲ୍ୟବାନ ସମୟ ଦେଇଥିରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ।"

ଗତ ଡିସେମ୍ବର ୧ତାରିଖରେ ଭାରତ ଜି ୨୦ରେ ସଭାପତିତ୍ବ ଗ୍ରହଣ କରିଛି । ଏହାପରେ ଦେଶକୁ ଛୁଟିଥିଲା ଶୁଭେଚ୍ଛାର ସୁଅ । ବିଭିନ୍ନ ଦେଶର ରାଷ୍ଟ୍ରପତି ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଂଶସା କରିଥିଲେ । ଫ୍ରାନ୍ସ ରାଷ୍ଟ୍ରପତି ଓ ଆମେରିକା ରାଷ୍ଟ୍ରପତି ଟ୍ବଟ କରି ଶୁଭେଚ୍ଛା ଜଣାଇଥିଲେ ।