ଆଇଜୋଲ:କାହାର ହେବ ମିଜୋରାମ । ମିଜୋ ନ୍ୟାସନାଲ ଫ୍ରଣ୍ଟ କ୍ଷମତାକୁ ଆସିବ ନା ଜେପିଏମକୁ ବହୁମତ ମିଳିବ ତାହା ଆଉ କିଛି ଘଣ୍ଟା ମଧ୍ୟରେ ସ୍ପଷ୍ଟ ହେବ । ଆଜି ମିଜୋରାମ ବିଧାନସଭା ନିର୍ବାଚନ ଫଳାଫଳ ଆସିବ । ଏନେଇ 40 ଆସନରେ ହୋଇଥିବା ନିର୍ବାଚନର ଭୋଟ ଗଣତି ଜାରି ରହିଛି । ଆରମ୍ଭରୁ ଏମଏମଏଫ ଆଗରେ ଥିଲା ମାତ୍ର ଏବେ ଆଗରେ ଚାଲିଛି ଜେପିଏମ । ଗୋଟିଏ ଆସନରେ ଜିତିଥିବାବେଳେ 29ଟି ଆସନରେ ଆଗୁଆ ରହିଛି ଜୋରାମ ପିପୁଲ୍ସ ମୁଭମେଣ୍ଟ । ଶାସକ ମିଜୋ ନ୍ୟାସନାଲ ଫ୍ରଣ୍ଟ 7ଟି ଆସନରେ ଆଗରେ ଥିବାବେଳେ କଂଗ୍ରେସ 3 ଓ ବିଜେପି 2ଟି ଲେଖାଏଁ ଆସନରେ ଆଗୁଆ ରହିଛନ୍ତି ।
ଏମଏନଏଫ-ଜେପିଏମ କଡା ଟକ୍କର:ଏକଜିଟ ପୋଲ ଆକଳନ ସତ ହୋଇଛି । ଶାସକ ଏମଏନଏଫ ଓ ଜେପିଏମ ମଧ୍ୟରେ କଡ୍ଡା ଟକ୍କର ହୋଇଛି । ପ୍ରଥମେ ବାଲାଟ ପେପର ଗଣତି ହୋଇଥିଲା ଏହାପରେ ଇଭିଏମ ଭୋଟ ଗଣତି ଆରମ୍ଭ ହୋଇଥିଲା । ଆରମ୍ଭରୁ ଏମଏନଏଫ ଆଗେଇ ଥିଲା ମାତ୍ର ଧିରେ ଧିରେ ଗଣତି ଆଗକୁ ବଢିବା ସାଙ୍ଗକୁ ଧିମା ପଡିଯାଇଛି । ଆରମ୍ଭରୁ 5ଟି ଆସନରେ ଆଗୁଆ ଥିବା ଏମଏନଏଫ ଏବେ 7ଟି ଆସନରେ ଆଗୁଆ ରହିଛି । ଆରମ୍ଭରୁ ଜେପିଏମ ମାତ୍ର 3ଟି ଆସନରେ ଆଗୁଆ ଥିବାବେଳ ଏବେ 29ଟି ଆସନରେ ଆଗରେ ରହିଛି । ରାଜ୍ୟରେ ସରକାର ଗଢିବାକୁ ହେଲେ 21 ମ୍ୟାଜିକ ନମ୍ବର ରହିଛି । ଜେପିଏମ ଗୋଟିଏ ଆସନରେ ଜିତି ସାରିଛି ।