ନୂଆଦିଲ୍ଲୀ:ଆଜି ଏଲଜେପି ବା ଲୋକ ଜନଶକ୍ତି ପାର୍ଟିର ପ୍ରତିଷ୍ଠାତା ସ୍ବର୍ଗତ ରାମବିଳାସ ପାଶଓ୍ବାନଙ୍କ ଜୟନ୍ତୀ । ଏନେଇ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାମବିଳାସ ପାଶଓ୍ବାନଙ୍କୁ ଆଜି ମନେପକାଇବା ସହ ଜନସେବା ତଥା ଦଳିତଙ୍କୁ ସଶକ୍ତ କରିବାରେ ତାଙ୍କର ଅବଦାନ ସର୍ବଦା ସ୍ମରଣୀୟ ରହିବ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।
ଆଜି ମୋର ବନ୍ଧୁ ସ୍ବର୍ଗତ ରାମବିଳାସ ପାଶଓ୍ବାନ ଜୀଙ୍କ ଜନ୍ମ ଜୟନ୍ତୀ। ମୁଁ ତାଙ୍କ ଉପସ୍ଥିତିକୁ ମନେପକାଉଛି । ସେ ଭାରତର ଅନ୍ୟତମ ଅଭିଜ୍ଞ ସଂସଦୀୟ ତଥା ପ୍ରଶାସକ ଥିଲେ। ଜନସେବା ତଥା ଦଳିତଙ୍କୁ ସଶକ୍ତ କରିବାରେ ତାଙ୍କର ଅବଦାନ ସର୍ବଦା ସ୍ମରଣୀୟ ହୋଇ ରହିବ ବୋଲି ମୋଦି ଟ୍ବିଟ କରିଛନ୍ତି।