କୋଲକାତା: ବିଜେପି ସାଂସଦଙ୍କ ଘର ଉପରକୁ ବୋମାମାଡ । ପଶ୍ଚିମବଙ୍ଗ ବିଜେପି ସାଂସଦ ଅର୍ଜୁନ ସିଂହଙ୍କର ଉତ୍ତର 24ପ୍ରଗଣାରେ ଥିବା ବାସଭବନ ବାହାରେ ତିନୋଟି ବୋମା ମାଡ ହୋଇଛି । ଘର ବାହାରେ ସୁରକ୍ଷାକର୍ମୀ ମୁତୟନ ପରେ ବି ଏହି ଆକ୍ରମଣ ନେଇ ଅନେକ ପ୍ରଶ୍ନ ଉଠିଛି ।
ସାଂସଦଙ୍କ ଘର ଉପରକୁ ବୋମାମାଡ ଘଟଣାକୁ ବିଜେପି ତୀବ୍ର ନିନ୍ଦା କରିଛି । ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନକର ଏହି ଘଟଣାରେ ଚିନ୍ତା ପ୍ରକଟ କରିଛନ୍ତି । ସାଂସଦଙ୍କ ଘର ଉପରକୁ ଏହି ବୋମାମାଡ କିଏ କଲା ଓ କାହିଁକି କଲା ଏହା ସ୍ପଷ୍ଟ ହୋଇନାହିଁ । ବିସ୍ଫୋରଣରେ ସ୍ଥାନୀୟ ଅଞ୍ଚଳ ସ୍ତବ୍ଧ ହୋଇଯାଇଥିଲା ।
ଆକ୍ରମଣ ସମୟରେ ଅର୍ଜୁନ ସିଂହ ଘରେ ନଥିଲେ । ସେ ଦିଲ୍ଲୀରେ ଥିଲେ । ଘରେ ତାଙ୍କ ପୁରା ପରିବାର ଉପସ୍ଥିତ ଥିଲେ । ଅର୍ଜୁନ ସିଂହଙ୍କ ଘର ପାଖରେ ଲାଗିଥିବା ସିସିଟିଭି ଯାଞ୍ଚ କରଯାଉଛି । ତଦନ୍ତ ପରେ ଏହା ସ୍ପଷ୍ଟ ହେବ । ଏ ଘଟଣା ନେଇ ପଶ୍ଚିମବଙ୍ଗ ରାଜ୍ୟପାଳ କହିଛନ୍ତି ବଙ୍ଗଳାରେ ହିଂସା କମିବାର ନାଁ ନେଉନାହିଁ । ଅର୍ଜୁନଙ୍କ ଘର ଉପରେ ଏପରି ବୋମା ବିସ୍ଫୋରଣ ଆଇନକାନୁନ ଓ ବ୍ୟବସ୍ଥା ପ୍ରତି ଚିନ୍ତା ବଢାଇଛି ବୋଲି କହିଛନ୍ତି ରାଜ୍ୟପାଳ । ଘଟଣାରେ ପୋଲିସକୁ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦରକାର ।