ଶ୍ରଦ୍ଧାଳୁଙ୍କୁ ଦୁଷ୍କର୍ମ ଅଭିଯୋଗରେ ବନ୍ଧା ହେଲେ ମିର୍ଚି ବାବା

ମଧ୍ୟପ୍ରଦେଶର ବହୁଚର୍ଚ୍ଚିତ ମିର୍ଚି ବାବା ଗିରଫ । ସନ୍ତାନ ପ୍ରାପ୍ତି ଆଶାରେ ଆଶୀର୍ବାଦ ପାଇଁ ଆସିଥିବା ମହିଳାଙ୍କୁ ସେ ଦୁଷ୍କର୍ମ କରିଥିବା ଅଭିଯୋଗ । ଅଧିକ ପଢନ୍ତୁ

ଭୋପାଳ:ମଧ୍ୟପ୍ରଦେଶର ବହୁଚର୍ଚ୍ଚିତ ସ୍ବାମୀ ବୈରାଗ୍ୟନନ୍ଦ ଗିରି(Swami Vairagyanand Giri) ଓରଫ ମିର୍ଚି ବାବା ଗିରଫ । ମହିଳା ଶ୍ରଦ୍ଧାଳୁଙ୍କୁ ଦୁଷ୍କର୍ମ ଅଭିଯୋଗରେ ମଙ୍ଗଳବାର ତାଙ୍କୁ ଗ୍ବାଲିୟରର ଏକ ହୋଟେଲରୁ ଗିରଫ କରାଯାଇଛି । ସନ୍ତାନସନ୍ତତି ପାଇଁ ତାଙ୍କ ନିକଟକୁ ଆଶୀର୍ବାଦ ଆଶାରେ ଆସିଥିବା ଜଣେ ମହିଳାଙ୍କୁ ସେ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପୋଲିସ ଏହି ଆତ୍ମଘୋଷିତ ବାବାଙ୍କ ବିରୁଦ୍ଧରେ ଧାରା ୩୭୬(rape)ରେ ମାମଲା ରୁଜୁ କରିଛି । ଭୋପାଳ ଏସିପି ରିଚା ଚୌବେ ଏହି ସୂଚନା ଦେଇଛନ୍ତି ।

ଅଭିଯୋଗ ଅନୁଯାୟୀ, ପୀଡିତା ମହିଳାଙ୍କ ବହୁ ଦିନ ଧରି କୌଣସି ପିଲାଛୁଆ ହେଉନଥିଲେ । ତେଣୁ ସେ ମିର୍ଚି ବାବାଙ୍କ ଆଶୀର୍ବାଦରେ ସନ୍ତାନ ପ୍ରାପ୍ତି ପାଇଁ ତାଙ୍କ ନିକଟକୁ ଆସିଥିଲେ । ହେଲେ ବାବା ମହିଳାଙ୍କୁ ନିଶା ବଟିକା ଖୁଆଇ ତାଙ୍କ ସହ ଦୁଷ୍କର୍ମ କରିଥିଲେ । ଏପରିକି ଘଟଣା ସମ୍ପର୍କରେ କାହାରିକୁ ନ କହିବା ପାଇଁ ମଧ୍ୟ ଧମକ ଦେଇଥିଲେ । କିନ୍ତୁ ପୀଡିତା ମହିଳା ସୋମବାର ଆତ୍ମଘୋଷିତ ମିର୍ଚି ବାବାଙ୍କ ବିରୁଦ୍ଧରେ ଥାନାରେ ଅଭିଯୋଗ କରିଥିଲେ । ଏହାପରେ ଭୋପାଳ ପୋଲିସ ଓ ଗ୍ବାଲିୟର କ୍ରାଇମବ୍ରାଞ୍ଚ ମିଳିତ ଅପରେସନ କରି ମିର୍ଚି ବାବାଙ୍କୁ ଗ୍ବାଲିୟରରୁ ଗିରଫ କରିଛି । ୨୦୧୯ ଲୋକସଭା ନିର୍ବାଚନରେ କଂଗ୍ରେସ ନେତା ଦିଗବିଜୟ ସିଂହଙ୍କ ପାଇଁ ପ୍ରଚାର କରି ମିର୍ଚି ବାବା ଖୁବ୍ ଚର୍ଚ୍ଚାକୁ ଆସିଥିଲେ । ଦିଗବିଜୟଙ୍କ ବିଜୟ ପାଇଁ ସେ ୫ କ୍ବିଣ୍ଟାଲ ଲାଲ୍ ଲଙ୍କା ଯଜ୍ଞାହୂତି ଦେଇଥିଲେ ।