ଲକ୍ଷ୍ନୌ: ଉତ୍ତରପ୍ରଦେଶର ମୈନପୁରୀ ଜିଲ୍ଲାରେ ଏକ ଜଘନ୍ୟ କାଣ୍ଡ ସାମନାକୁ ଆସିଛି । ବଡ଼ବାପାର ପୁଅ ସାନ ଭଉଣୀକୁ ଦୁଷ୍କର୍ମ କରି ଗର୍ଭବତୀ କରିବା ପରେ ତାକୁ ପେଟ୍ରୋଲ ଢାଳି ହତ୍ୟା କରିବାକୁ ଉଦ୍ୟମ କରିଛି । ପୀଡ଼ିତା ନାବାଳିକାର ବୟାନ ରେକର୍ଡ କରାଯାଇ ଅଭିଯୁକ୍ତ ସମେତ ତାର ମାଆକୁ ଗିରଫ କରିଛି ପୋଲିସ । ରବିବାର ପୀଡ଼ିତା ମାଆଙ୍କ ଅଭିଯୋଗ ପରେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହୋଇଛି ।
କୁରାୱଲୀ ଥାନାରେ ଏହି ମାମଲା ରୁଜୁ ହୋଇଛି । ମହିଳାଙ୍କ କହିବାନୁସାରେ ତାଙ୍କ ବଡ଼ ଯାଆଙ୍କ ପୁଅ ନାବାଳିକାକୁ ଦୁଷ୍କର୍ମ କରିଥିଲା (Brother raped minor in Mainpuri) । ଏହାପରେ ନାବାଳିକା ଗର୍ଭବତୀ ଥିବା ଜାଣିବା ପରେ ଗତ ସେପ୍ଟେମ୍ବର ୬ ତାରିଖରେ ପେଟ୍ରୋଲ ଢାଳି ହତ୍ୟା କରିବାକୁ ଉଦ୍ୟମ କରିଥିଲା । ନାବାଳିକା ଜଣକ ଏଥିରେ ଗମ୍ଭୀର ଭାବରେ ଆହତ ହୋଇଥିବା ଜଣାପଡ଼ିଛି । ଏହାପରେ ତାକୁ ତୁରନ୍ତ ମୈନପୁରୀ ଜିଲ୍ଲା ହସ୍ପିଟାଲରେ (District Hospital Mainpuri) ଭର୍ତ୍ତି କରାଯାଇଛି । ମାତ୍ର ସ୍ବାସ୍ଥ୍ୟବସ୍ଥା ଗମ୍ଭୀର ହେବା ପରେ ପୀଡ଼ିତାକୁ ସୈଫଇ ମେଡିକାଲ କଲେଜରେ ଭର୍ତ୍ତି କରାଯାଇଛି ।