ନୂଆଦିଲ୍ଲୀ: 31 ତାରିଖରେ ଦେଶ ପାଳିବାକୁ ଯାଉଛି ଦେଶର ପ୍ରଥମ ଗୃହମନ୍ତ୍ରୀ ତଥା ଲୌହପୁରୁଷ ସର୍ଦ୍ଦାର ପଟେଲଙ୍କ ଜୟନ୍ତୀ । ଏହି ଅବସରରେ ଘୋଷଣା ହେବ ଗୃହମନ୍ତ୍ରୀ ସ୍ପେଶାଲ ଅପରେସନ ମେଡାଲ-2022 (Union Home Minister's Special Operation Medal-2022) । ଏଥିପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ସମସ୍ତ ପ୍ରସ୍ତୁତି ଶେଷ କରିଛି । ଏହି ଦିନ ଦେଶବ୍ୟାପୀ ଏକତା ଦୌଡ (ରନ ଫର ୟୁନିଟ) ଆୟୋଜନ ମଧ୍ୟ ହେବାକୁ ଯାଉଛି । ତେବେ ପୂର୍ବାହ୍ନରେ ଏହି ଆଓ୍ବାର୍ଡ ଘୋଷଣା କରାଯିବା ନେଇ କେନ୍ଦ୍ର ଗୃହ ମନ୍ତ୍ରାଣାଳୟ ପକ୍ଷରୁ ସୂଚନା ପ୍ରଦାନ କରାଯାଇଛି (Sardar Vallabhbhai Patel birth anniversary)।
କେନ୍ଦ୍ର ଗୃହ ମନ୍ତ୍ରଣାଳୟ ଦ୍ବାରା ପ୍ରଦାନ ହେବାକୁ ଥିବା ଏହି ଆଓ୍ବାର୍ଡରେ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ପୋଲିସ ବଳ, କେନ୍ଦ୍ରୀୟ ପୋଲିସ ବଳ (CPOs), କେନ୍ଦ୍ରୀୟ ସଶସ୍ତ୍ର ପୋଲିସ ବଳ (CAPFs)ର ଅଧିକାରୀ ଓ ଯବାନଙ୍କୁ ବିଭିନ୍ନ ଆହ୍ବାନପୂର୍ଣ୍ଣ ଅପରେସନରେ ଉଲ୍ଲେଖନୀୟ ସାହାସିକତା ପାଇଁ ଏହି ସମ୍ମାନଜନକ ଆଓ୍ବାର୍ଡରେ ସମ୍ମାନିତ କରାଯିବ । ଆତଙ୍କବାଦ ନିରୋଧୀ ଅପରେସନ, ସୀମା ସୁରକ୍ଷା ମିଶନ, ସଶସ୍ତ୍ର ବିଦ୍ରୋହ ଦମନ ଓ ନିଶା କାରବାର ରୋକିବା ଦିଗରେ ଗ୍ରହଣ କରାଯାଇଥିବା ମିଶନ ବା ଅପରେସନରେ ଅଂଶଗ୍ରହଣ କରି ଉଲ୍ଲେଖନୀୟ ସାହାସ ପ୍ରଦର୍ଶନ କରିଥିବା ଏହି ଅଧିକାରୀ ଓ କର୍ମଚାରୀଙ୍କୁ ଏହି ଆଓ୍ବାର୍ଡରେ କେନ୍ଦ୍ର ଗୃହମନ୍ତ୍ରୀ ସମ୍ମାନିତ କରିବେ ।