ମେକ୍ସିକୋ: ଉତ୍ତର ଆମେରିକାର ଦକ୍ଷିଣାଞ୍ଚଳରେ ଥିବା ମେକ୍ସିକୋ ଦେଶରେ କୃଷକମାନେ ଲେମ୍ବୁଗଛର ବୁଦା ଖୋଳୁଥିବାବେଳେ ଏକ ପ୍ରାଚୀନ ମହିଳା ପ୍ରତିମୂର୍ତ୍ତିକୁ ଠାବ କରିଛନ୍ତି । ତେବେ ଏହି ମୂର୍ତ୍ତିର ଉଚ୍ଚତା ପ୍ରାୟ 8 ଫୁଟ ହୋଇଥିବାବେଳେ ଏହା କୌଣସି ଦେବୀ କିମ୍ବା ସମ୍ଭ୍ରାନ୍ତ ମହିଳାଙ୍କ ପ୍ରତିମୂର୍ତ୍ତି ବୋଲି ବିଶେଷଜ୍ଞମାନେ କହିଛନ୍ତି ।
ଏହି ପ୍ରତିମୂର୍ତ୍ତିରେ ମହିଳାଙ୍କର ଘନ କେଶ ଏବଂ ସ୍ଥିତିକୁ ଲକ୍ଷ୍ୟ କରାଯାଇ ଏହା ପ୍ରାୟ 1450ରୁ 1521 ବର୍ଷର ପ୍ରତିମୂର୍ତ୍ତି ହୋଇପାରେ ବୋଲି ବିଶେଷଜ୍ଞମାନେ କହିଛନ୍ତି । ମୂର୍ତ୍ତୀ ମିଳିଥିବା ସ୍ଥାନଟି ଏଲ୍ ତାଜିନର ପୂର୍ବ-ହିସପାନିକ୍ ଧ୍ବଂସ ସ୍ଥାନର ନିକଟବର୍ତ୍ତୀ ହୋଇଥିବାବେଳେ ଏହି ପ୍ରତିମୂର୍ତ୍ତି ଆଜ୍ଟେକ୍ସ(ଷୋଡଶ ଶତାବ୍ଦୀର ସ୍ପେନୀୟ ପରାଜୟ ପୂର୍ବରୁ ମେକ୍ସିକୋରେ ପ୍ରାଧାନ୍ୟ ବିସ୍ତାର କରିଥିବା ଆଦିବାସୀ)ଙ୍କ କିଛି ପ୍ରଭାବ ଦର୍ଶାଉଛି ବୋଲି ବିଶେଷଜ୍ଞମାନେ ସୂଚନା ଦେଇଛନ୍ତି ।