ଥିରୁଅନନ୍ତପୁରମ: କେରଳର ପଲକ୍କଡରୁ ବିଜେପି ନେତୃତ୍ବାଧୀନ ଏନଡିଏ ପକ୍ଷରୁ ନିର୍ବାଚନ ଲଢୁଥିବା ମେଟ୍ରୋ ମ୍ୟାନ ହୋଇଛନ୍ତି ପରାସ୍ତ । ପଛରେ ରହିଥିବା ୟୁଡିଏଫ ପ୍ରାର୍ଥୀ ପୁଣି ମୈଦାନକୁ ଫେରି ଶ୍ରୀଧରନଙ୍କୁ ମାତ୍ ଦେଇଛନ୍ତି । ତେବେ ଶ୍ରୀଧରନଙ୍କ ଜରିଆରେ କେରଳରେ ଖାତା ଖୋଲିବାକୁ ଲକ୍ଷ୍ୟ ରଖିଥିବା ବିଜେପି ଶେଷରେ ବିଫଳ ହୋଇଛି ।
ମେଟ୍ରୋ ମ୍ୟାନ ଶ୍ରୀଧରନଙ୍କୁ କଂଗ୍ରେସ ପ୍ରାର୍ଥୀ ଶାଫି ପାରାମ୍ବିଲ 3840 ଭୋଟରେ ହରାଇ ପଲକ୍କଡ ଗାଦିକୁ ହାତେଇଛନ୍ତି । ଭୋଟ ଗଣତି ପ୍ରକ୍ରିୟାର ପ୍ରଥମ ପର୍ଯ୍ୟାୟରେ ଶ୍ରୀଧରନ ଆଗୁଆ ରହିଥିବା ବେଳେ ପ୍ରକ୍ରିୟାର ଶେଷ ସୁଦ୍ଧା ଶ୍ରୀଧରନଙ୍କୁ ପଛରେ ପକାଇ ଶାଫି ପାଲକ୍କଡ ଗାଦିର ମୁକୁଟ ପିନ୍ଧିଛନ୍ତି । ଦେଶରେ ମେଟ୍ରୋ ରେଳ ବ୍ୟବସ୍ଥାକୁ ଡିଜାଇନ କରିଥିବା ଇଞ୍ଜିନିୟର ଶ୍ରୀଧରନ ବିଜେପିରେ ଯୋଗ ଦେଇଥିଲେ । ତେବେ ପୂର୍ବରୁ ଏହି ଆସନରେ ୟୁ଼ଡିଏଫ ବିଜୟୀ ଲାଭ କରିଥିଲା ।