ନୂଆଦିଲ୍ଲୀ/ବାରିପଦା: ସାରା ଦେଶରେ ଶିମିଳିପାଳ ଅଭୟାରଣ୍ୟକୁ ଆଉ ଏକ ବଡ ସଫଳତା । ଭାରତ ସରକାରଙ୍କ ଜାତୀୟ ବ୍ୟାଘ୍ର ସଂରକ୍ଷଣ (ଏନଟିସିଏ) କର୍ତ୍ତୃପକ୍ଷଙ୍କ ସୂଚନା ଅନୁସାରେ ଜଙ୍ଗଲ ସୁରକ୍ଷା କ୍ଷେତ୍ରରେ ଭାରତବର୍ଷରରେ ଶିମିଳିପାଳ ଅଭୟାରଣ୍ୟ ଦ୍ବିତୀୟ ସ୍ଥାନରେ ରହିଛି।
ଜଙ୍ଗଲ ସୁରକ୍ଷା କ୍ଷେତ୍ରରେ ସାରା ଦେଶରେ ଶିମିଳିପାଳ ଅଭୟାରଣ୍ୟ ଦ୍ଵିତୀୟ
ଦୁଇ ହଜାର (୨୭୫୦) ସାତ ଶହ ପଚାଶବର୍ଗ କିଲୋମିଟର ବିଶିଷ୍ଟ ବିଶ୍ବ ପ୍ରସିଦ୍ଧ ଶିମିଳିପାଳ ଅଭୟାରଣ୍ୟ ଜଙ୍ଗଲ ସୁରକ୍ଷା କ୍ଷେତ୍ରରେ ସାରା ଦେଶରେ ଦ୍ବିତୀୟ ସ୍ଥାନରେ ପାଇବା ରାଜ୍ୟ ତଥା ଅଭୟାରଣ୍ୟ ପାଇଁ ବଡ ଉପଲବ୍ଧି । ପ୍ରକୃତି ପରିବେଶର ଗନ୍ତାଘର ଭାବେ ପରିଚିତ ଶିମିଳିପାଳ ଅଭୟାରଣ୍ୟ ପ୍ରାଣୀ ସମ୍ପଦ, ବ୍ୟାଘ୍ର ସଂରକ୍ଷଣ ପ୍ରକଳ୍ପ, ଦୁର୍ଲଭ ଜୈବ ବିବିଧତା ପାଇଁ ସାରା ବିଶ୍ବରେ ପରିଚିତ । ଏପରି କି ଏହି ଅଭୟାରଣ୍ୟ ସମଗ୍ର ଏସିଆ ମହାଦେଶ ପାଇଁ ବେଶ ଗୁରୁତ୍ବପୂର୍ଣ୍ଣ । ସୁରକ୍ଷା ସମ୍ପର୍କରେ ଆଧୁନିକ ଜ୍ଞାନ କୌଶଳ ଉପଯୋଗ କରି ଭାରତ ସରକାରଙ୍କ ଜାତୀୟ ବ୍ୟାଘ୍ର ସଂରକ୍ଷଣ (ଏନଟିସିଏ) ଏହି ସୂଚକାଙ୍କ ଜାରି କରିଛନ୍ତି।