ଥିରୁଅନନ୍ତପୁରମ: କେରଳର କାରିପୁର ବିମାନ ବନ୍ଦରରୁ ଜବତ ହେଲା ପ୍ରାୟ ୬ କେଜି ଓଜନର ସୁନା । ଜବତ ସୁନାର ମୁଲ୍ୟ ୨.୪ କୋଟି ଟଙ୍କା ହେବ ବୋଲି ପ୍ରାଥମିକ ଭାବେ ଆକଳନ କରାଯାଇଛି । ଏହି ପରିମାଣର ସୁନା ୪ ଜଣ ଯାତ୍ରୀଙ୍କ ଠାରୁ ଜବତ କରିଛି ବିମାନ ବନ୍ଦର କଷ୍ଟମ ବିଭାଗ । ଏହି ଯାତ୍ରୀମାନେ ଏୟାର ଇଣ୍ଡିଆ ବିମାନ IX354 ରେ ସାର୍ଜାରୁ କେରଳ ଆସୁଥିଲେ । ଗିରଫ ୪ ଜଣଙ୍କ ମଧ୍ୟରେ ଜଣେ କୋଜିକୋଡର ବାସିନ୍ଦା ଥିବାବେଳ ଅନ୍ୟଜଣେ ସ୍ଥାନୀୟ କାସରଗଡାର ବାସିନ୍ଦା ବୋଲି ସୂଚନା ଦେଇଛି ପୋଲିସ । ଅନ୍ୟ ଦୁଇ ଜଣ ମାଲାପୁରମର ବାସିନ୍ଦା ବୋଲି ଜଣାପଡିଛି ।
କାରିପୁର ବିମାନ ବନ୍ଦରରୁ ଜବତ ହେଲା ୬ କେଜି ଓଜନର ସୁନା , ୪ ଗିରଫ
ପୋଲିସ ଓ କଷ୍ଟମ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ମାଲାପୁରମର ସ୍ଥାନୀୟ ଦୁଇ ଯାତ୍ରୀଙ୍କ ନିକଟରୁ ଯଥାକ୍ରମେ ସର୍ବାଧିକ ୩.୩୬ କେଜି ଓ ୮୫୪ ଗ୍ରାମ ଓଜନର ସୁନା ଜବତ ହୋଇଥିଲା । ସେହିପରି କୋଜିକୋଡ ବାସିନ୍ଦାଙ୍କ ଠାରୁ ୫୦୧ ଗ୍ରାମ ଓ ଅନ୍ୟ ଜଣେ ଯାତ୍ରୀ ତଥା କାସାରଗୋଡା ନିବାସୀ ଯାତ୍ରୀ ନିକଟରୁ ୧ କେଜି ୬୯ ଗ୍ରାମ ସୁନା ଜବତ କରାଯାଇଛି ।