ମିଳିତ ନୌସମରାଭ୍ୟାସ: ସମୁଦ୍ରରେ ଏକାଠି ହେଲେ ଭାରତ-ଜାପାନ, ଚୀନ ଛାତିରେ ପଶିଲା ଛନକା

ଭାରତ-ଜାପାନ ନୌସେନା ମଧ୍ୟରେ ଅନୁଷ୍ଠିତ ହେଲା ମିଳିତ ସମରାଭ୍ୟାସ । ଆଣ୍ଡାମାନ ସାଗରରେ ହେଲା ଅଭ୍ୟାସ । ବ୍ୟବହୃତ ହୋଇଥିଲେ ଦୁଇ ନୌସେନାର ଦୁଇ ଲଢୁଆ ଜାହାଜ । ଅଧିକ ପଢନ୍ତୁ

ଚେନ୍ନାଇ: ଭାରତ-ଜାପାନ ନୌସେନା ମଧ୍ୟରେ ଏକ ମିଳିତ ସମରାଭ୍ୟାସ Maritime Partnership Exercise (MPX) ଅନୁଷ୍ଠିତ ହୋଇଛି । ଆଜି (ଶନିବାର) ଆଣ୍ଡାମାନ ସାଗରରେ ଭାରତୀୟ ନୌସେନା ଓ ଜାପାନ ସେଲ୍ଫ ଡିଫେନ୍ସ ଫୋର୍ସ ମଧ୍ୟରେ ଏହି ମିଳିତ ସମରାଭ୍ୟାସ ଶେଷ ହୋଇଛି । ଦୁଇ ନୌସେନା ପକ୍ଷରୁ ଦୁଇଟି ଲଢୁଆ ଯୁଦ୍ଧ ଜାହାଜ ବ୍ୟବହାର କରାଯାଇଥିଲା ।

ଭାରତୀୟ ନୌସେନାର ଭେସେଲ୍ସ ବର୍ଗର ଯୁଦ୍ଧ ଜାହାଜ ଆଇଏନସ ସୁକନ୍ୟା (INS Sukanya) ଅଂଶଗ୍ରହଣ କରିଥିବା ବେଳେ ଜାପାନ ନୌସେନା ପକ୍ଷରୁ ଜେଏସ ସାମିଦାରେ (JS Samidare) ନାମକ ଏକ ଡେଷ୍ଟ୍ରେୟର ଶ୍ରେଣୀର ଯୁଦ୍ଧ ଜାହାଜ ବ୍ୟବହୃତ ହୋଇଥିଲା । ଉଭୟ ଦେଶର ନୌସୈନିକ ଯୁଦ୍ଧ କୌଶଳ ସହ ମିଳିତ ରଣନୀତି ମଧ୍ୟ ପ୍ରଦର୍ଶନ କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ