Road Accident: କେନାଲକୁ ଖସିଲା ବରଯାତ୍ରୀ କାର୍‌, ୬ ମୃତ

ବିହାରର ନବୀନନଗରରେ ବରଯାତ୍ରୀ କାର ଦୁର୍ଘଟଣାରେ ୬ ଜଣଙ୍କର ମୃତ୍ୟୁ । ସମସ୍ତ ମୃତକ ଝାଡଖଣ୍ଡର ହୋଇଥିବା ଜଣାପଡିଛି । ଅଧିକ ପଢନ୍ତୁ

ପାଟଣା:ବିହାରର ନବୀନନଗରରେ ବରଯାତ୍ରୀ କାର ଦୁର୍ଘଟଣାରେ ୬ ଜଣଙ୍କର ମୃତ୍ୟୁ । ଏକ ବିବାହ ଉତ୍ସବ ପାଇଁ ବରଯାତ୍ରୀଙ୍କୁ ନେଇ ଯାଉଥିବା କାର୍‌ଟିର ଡ୍ରାଇଭର ଜଣଙ୍କ ହଠାତ ସନ୍ତୁଳନ ହରାଇଥିଲେ । ଫଳରେ କାର୍‌ଟି ଭାରସାମ୍ୟ ହରାଇ କେନାଲକୁ ଓଲଟିପଡିଥିଲା । ଯାହାଦ୍ବାରା ୬ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସମସ୍ତ ମୃତକ ଝାଡଖଣ୍ଡର ହୋଇଥିବା ଜଣାପଡିଛି ।

ସୂଚନା ଅନୁଯାୟୀ, କାର୍‌ଟି ୭ଜଣ ଯାତ୍ରୀଙ୍କୁ ନେଇ ପାଲାମୁର ଖାଟିନଠାରୁ ବିହାର ନବିନନଗର ଅଭିମୁଖେ ଯାଉଥିଲା । ତେବେ ବାଟରେ ଏକ କେନାଲରେ ଓଲଟି ପଡିଥିଲା । ସମସ୍ତ ମୃତକ ଝାଡଖଣ୍ଡର ପାଲାମୁର ବାସିନ୍ଦା ହୋଇଥିବା ଜଣାପଡିଛି । ୭ଜଣଙ୍କ ମଧ୍ୟରୁ ୬ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଥିଲେ । ଗୁରୁତର ଅବସ୍ଥାରେ ତାଙ୍କୁ ନବୀନନଗର ହସ୍ପିଟାଲରେ ଭର୍ତ୍ତି କରାଯାଇଛି ।