ଶ୍ରୀନଗର:ଜମ୍ମୁ କାଶ୍ମୀରର ଶାମ୍ବା ଜିଲ୍ଲାରେ ମର୍ମନ୍ତୁଦ ସଡକ ଦୁର୍ଘଟଣା । ଭାରସାମ୍ୟ ହରାଇ ଖାଇକୁ ଖସିଲା କାର । ଦୁର୍ଘଟଣାରେ ୫ ଜଣଙ୍କ ମୃତ୍ୟୁ( five died in road accident in mansar) ହୋଇଛି । ଆଜି(ଶନିବାର) ଘଟିଛି ଏହି ମର୍ମନ୍ତୁଦ ଦୁର୍ଘଟଣା ।
ଷ୍ଟେସନ ହାଉସ ଅଧିକାରୀ (SHO) ଦୀପକ ଜାସ୍ରୋତିଆଙ୍କ ସୂଚନା ଅନୁସାରେ, ଗୋଟିଏ ପରିବାରର ୫ ସଦସ୍ୟଙ୍କୁ ନେଇ ପଞ୍ଜାବର ଅମୃତସରରୁ ଅନନ୍ତନାଗ ଜିଲ୍ଲା ଅଭିମୁଖେ ଯାଉଥିଲା ଏକ କାର । ହେଲେ ମାନସର ନିକଟରେ ଗାଡିଟି ଭାରସାମ୍ୟ ହରାଇ ୨୦୦ ଫୁଟ ଖାଇକୁ ଖସି ଯାଇଥିଲା । ଫଳରେ ଘଟଣାସ୍ଥଳରେ ହିଁ ୫ ଜଣ ପ୍ରାଣ ହରାଇଥିବା ବେଳେ ଡ୍ରାଇଭର ସାକିବ ଗୁରୁତର ଆହାତ ହୋଇଥିବାରୁ ତାଙ୍କୁ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।