ମୁମ୍ବାଇ:ମନସୁଖ ହିରେନ ହତ୍ୟା ମାମଲାରେ ପଞ୍ଚମ ଅଭିଯୁକ୍ତ ମୁମ୍ବାଇ ପୋଲିସର ଇନ୍ସପେକ୍ଟର ସୁନୀଲ ମନେଙ୍କ ଘରେ ଏନଆଇଏ ରେଡ କରିଛି । କିଛି ଡକ୍ୟୁମେଣ୍ଟ ସହିତ ଏକ ନାଲି କାର ଜବତ କରିଛି ଏନଆଇଏ ।ଗତକାଲି ସୁନିଲଙ୍କୁ ପଚରାଉଚରା କରାଯାଇଥିଲା । ଘଟଣାସ୍ଥଳକୁ ତାଙ୍କୁ ନିଆଯାଇ ତଦନ୍ତ କରିଥିଲା ଏନଆଇଏ ।
ସୂଚନା ଥାଉକି, ଉଦ୍ୟୋଗପତି ମୁକେଶ ଅମ୍ବାନୀଙ୍କ ବାସଭବନ ଆଣ୍ଟିଲିଆ ବାହାରେ ମିଳିଥିଲା ବିସ୍ଫୋରକ ଜିଲେଟିନ ଭର୍ତ୍ତି ଗାଡି । ଏହି ଗାଡିର ମାଲିକ ଥିଲେ ମନସୁଖ ହିରେନ । ଘଟଣାର କିଛି ଦିନ ପରେ ମିଳିଥିଲା ମନସୁଖଙ୍କ ମୃତଦେହ । ଏହାପରେ ପରିବାର ଲୋକେ ମୁମ୍ବାଇ ପୋଲିସ ଅଧିକାରୀ ସଚିନ ୱାଜେଙ୍କ ବିରୋଧରେ ଆଣିଥିଲେ ଅଭିଯୋଗ । ଏହି ମାମଲାରେ ୱାଜେଙ୍କୁ ଗିରଫ କରାଯିବା ସହିତ ମୁମ୍ବାଇ ପୋଲିସରୁ ତାଙ୍କୁ ନିଲମ୍ବନ କରାଯାଇଥିଲା ।