ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଡେଙ୍ଗୁରେ ଆକ୍ରାନ୍ତ ହୋଇଛନ୍ତି । ତାଙ୍କ ସ୍ବାସ୍ଥ୍ୟବସ୍ଥା ସୁଧୁରୁଥିବା ନେଇ ଆଶ୍ବସ୍ତିକର ସୂଚନା ଦେଇଛି ଦିଲ୍ଲୀ ଏମ୍ସ । 89 ବର୍ଷୀୟ ମନମୋହନଙ୍କୁ ଜ୍ବର ପରେ ଦୁର୍ବଳତା ଅନୁଭବ ହେବା ଯୋଗୁ ବୁଧବାର ସନ୍ଧ୍ୟାରେ AIIMSରେ ଭର୍ତ୍ତି କରାଯାଇଥିଲା ।
ତେବେ ବୁଧବାର ଠାରୁ ତାଙ୍କ ସ୍ବାସ୍ଥ୍ୟକୁ ନେଇ କଳ୍ପନାଜଳ୍ପନା ଲାଗି ରହିଥିବାବେଳେ ଏନେଇ ସ୍ପଷ୍ଟ କରିଛନ୍ତି ଏମ୍ସ କର୍ତ୍ତୃପକ୍ଷ । ମନମୋହନ ଡେଙ୍ଗୁରେ ଆକ୍ରାନ୍ତ ହୋଇଛନ୍ତି କିନ୍ତୁ ତାଙ୍କ ପ୍ଲେଟଲେଟ ସଂଖ୍ୟା ବର୍ତ୍ତମାନ ବୃଦ୍ଧି ପାଇବାରେ ଲାଗିଛି । ତେଣୁ ତାଙ୍କ ସ୍ବାସ୍ଥ୍ୟବସ୍ଥା ପୂର୍ବପେକ୍ଷା ସୁଧୁରୁଛି ବୋଲି ହସ୍ପିଟାଲ କର୍ତ୍ତୃପକ୍ଷ କହିଛନ୍ତି । ବୁଧବାର ମନମୋହନଙ୍କୁ କାର୍ଡିଓ-ନ୍ୟୁରୋ କେନ୍ଦ୍ରର ଏକ ୱାର୍ଡରେ ଭର୍ତ୍ତି କରାଯାଇଛି ।