ହାଇଦ୍ରାବାଦ:ମଣିପୁରରେ ସ୍ଥିତି ଧିରେ ଧିରେ ସ୍ବାଭାବିକ ହେବାରେ ଲାଗିଛି । ଆଜି ସକାଳୁ ବଭିନ୍ନ ସ୍ଥାନରେ ଦୋକାନ ବଜାର ଖୋଲିଛି । ଜୀବନ ଯାତ୍ରା ମଧ୍ୟ କ୍ରମଶଃ ସ୍ବାଭାବିକ ହେଉଛି । ସରକାରୀ ସୂତ୍ରରୁ ମିଳିଥିବା ସୂଚନା ଅନୁସାରେ ହିଂସାରେ ପ୍ରାୟ 54 ଜଣଙ୍କ ମୃତ୍ୟୁ ହୋଇଥିବା ସରକାରୀ ଭାବେ ପ୍ରକାଶ କରାଯାଇଛି । ଆହତଙ୍କ ସଂଖ୍ୟା ମଧ୍ୟ ଶତାଧିକ ହେବା ଆଶଙ୍କା ପ୍ରକାଶ ପାଇଛି । ବିଭିନ୍ନ ହସ୍ପିଟାଲରେ ସେମାନେ ଚିକିତ୍ସାଧିନ ରହିଛନ୍ତି । ବେସରକାରୀ ବା ଗଣମାଧ୍ୟମ ସୂତ୍ର ଅନୁସାରେ ଏହି ସଂଖ୍ୟା ଅଧିକ ହୋଇପାରେ । ଏବେ ମଧ୍ୟ ଫୋର୍ସ ମୁତୟନ ହୋଇଛନ୍ତି । ରାଜଧାନୀ ଇମ୍ଫାଲ ଓ ଏହାର ଆଖପାଖ ଅଞ୍ଚଳ (ଇମ୍ଫାଲ ଭ୍ୟାଲି) ସମେତ ବିଭିନ୍ନ ସମ୍ବେଦନଶୀଳ ସ୍ଥାନରେ ବ୍ୟାପକ ଫୋର୍ସ ମୁତୟନ ରହିଛନ୍ତି ।
ପ୍ରାଣ ହରାଇଛନ୍ତି 54:-
ଏବେ ସୁଦ୍ଧା ପ୍ରାୟ 54 ଜଣଙ୍କ ପ୍ରାଣହାନୀ ହୋଇଥିବା ସରକାରୀ ଭାବେ କୁହାଯାଇଛି । ବିଭିନ୍ନ ହିଂସାଗ୍ରସ୍ତ ସ୍ଥାନରୁ ଏହି ମୃତଦେହଗୁଡିକୁ ଉଦ୍ଧାର କରାଯାଇଛି । ହିଂସା ଆରମ୍ଭ ହୋଇଥିବା ଚୁରାଚାନ୍ଦପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ମୋଟ 16 ଟି ମୃତଦେହ ରଖାଯାଇଛି । ଇଷ୍ଟ-ଇମ୍ଫାଲ ଜିଲ୍ଲାରେ ଥିବା ନେହେରୁ ଇଂଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସରେ 15ଟି ମୃତଦେହ ରଖାଯାଇଛି । ସେହିପରି ଅନ୍ୟ ହସ୍ପିଟାଲ ଗୁଡିକରେ ମଧ୍ୟ ମୃତଦେହ ରଖାଯାଇଛି । ସ୍ଥାନୀୟ ପ୍ରଶାସନ ଓ ପୋଲିସ ମୃତଦେହ ଚିହ୍ନଟ କରିବା ପ୍ରକ୍ରିୟା ଆରମ୍ଭ କରିଛନ୍ତି । ଅନ୍ୟପଟେ ଗତକାଲି ସଂଧ୍ୟାରେ ଚୁରାଚାନ୍ଦପୁର ଜିଲ୍ଲାର ଏକ ପାହାଡିକ୍ଷେତ୍ରରେ ସୁରକ୍ଷାବଳ ଓ ଉଗ୍ରବାଦୀଙ୍କ ମଧ୍ୟ ଏନକାଉଣ୍ଟର ହୋଇଛି । ଏଥିରେ 2 ଉଗ୍ରବାଦୀଙ୍କ ମୃତ୍ୟୁ ହୋଇଥିବା ବେଳେ IRBର ଦୁଇ ଯବାନ ଆହତ ହୋଇଛନ୍ତି ।
13 ହଜାର ଲୋକ ହୋଇଛନ୍ତି ପ୍ରଭାବିତ :-