ଇମ୍ଫାଲ:ମଣିପୁର ନୋନିରେ ହୋଇଥିବା ଭୂସ୍ଖଳନରେ ବଢିବାରେ ଲାଗିଛି ମୃତ୍ୟୁ ସଂଖ୍ୟା । ଉଦ୍ଧାର ହେବାରେ ଲାଗିଛି ଗୋଟିଏ ପରେ ଗୋଟିଏ ମୃତଦେହ । ଆଜି ସୁଦ୍ଧା ମୋଟ 34 ମୃତଦେହ ଉଦ୍ଧାର ହୋଇସାରିଛି । ମୃତକଙ୍କ ମଧ୍ୟରେ କେବଳ 23 ଯବାନ ରହିଛି । ଏବେ ମଧ୍ୟ ଆଉ 28 ଜଣ ନିଖୋଜଙ୍କର ପତ୍ତା ମିଳିପାରି ନାହିଁ । ଉଦ୍ଧାର କାର୍ଯ୍ୟ ଜାରି ରଖିଛନ୍ତି ସେନା ଓ ଜାତୀୟ ବିପର୍ଯ୍ୟୟ ପ୍ରଶମନ ବଳ ।
ବୁଧବାର ବିଳମ୍ବିତ ରାତିରେ, ଟୁପୁଲ ୟାର୍ଡ ରେଲଓ୍ବେ ଷ୍ଟେସନ ସାଇଡରେ ଏହି ଭୟଙ୍କର ଭୂସ୍ଖଳନ ଘଟିଥିଲା । ନିକଟରେ ଥିବା ସେନା କ୍ୟାମ୍ପ ବିଶେଷ ଭାବେ ପ୍ରଭାବିତ ହୋଇଥିଲା । କାର୍ଯ୍ୟରେ ନିୟୋଜିତ ଯବାନଙ୍କ ସମେତ ବହୁ ସାଧାରଣ ଲୋକେ ମାଟି ଅତଡାରେ ଚାପି ହୋଇଯାଇଥିଲେ । ସେନା ଓ NDRF ଟିମ ପହଞ୍ଚି ଉଦ୍ଧାର ଅପରେସନ ଆରମ୍ଭ କରିଥିଲେ । ନିଖୋଜ ସଂଖ୍ୟା ଅଧିକ ଥିବାରୁ ମୃତ୍ୟୁ ସଂଖ୍ୟା ମଧ୍ୟ କ୍ରମଶଃ ବଢିବାରେ ଲାଗିଛି ।