ନୂଆଦିଲ୍ଲୀ: ଦେଶରେ ସମ୍ପୂର୍ଣ୍ଣ ଟୀକାକରଣ ନେଇ ଚାଲିଛି 'ହର ଘର ଦସ୍ତକ' କାର୍ଯ୍ୟକ୍ରମ । ଆଜି କାର୍ଯ୍ୟକ୍ରମର ସ୍ଥିତି ନେଇ ସମୀକ୍ଷା କରିବେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭିୟ ।
ଏନେଇ ସ୍ବାସ୍ଥ୍ୟ ମନ୍ତ୍ରୀ ଟ୍ବିଟ କରି କହିଛନ୍ତି ଯେ, 'ଟୀକାକରଣ ନେଇ ଏନଜିଓ ଏବଂ ସିଏସ୍ଓ ସହିତ ଆଲୋଚନା କରାଯିବ । ସରକାରୀ ଏବଂ ଏହି ସଂଗଠନଗୁଡିକ ମଧ୍ୟରେ ଏକ ବର୍ଦ୍ଧିତ ସହଭାଗୀତା ଆମର 'ହର ଘର ଦସ୍ତକ' ଟୀକାକରଣ ଅଭିଯାନକୁ କିପରି ମଜବୁତ କରିବ ସେ ବିଷୟରେ ଆଲୋଚନା କରାଯିବ । ଏହି ଅଭିଯାନକୁ ଦେଶର ପ୍ରତ୍ୟେକ କୋଣ ଅନୁକୋଣରେ ପହଞ୍ଚାଇବା ପାଇଁ ସରକାର ସମସ୍ତ ସରକାରୀ ଏବଂ ବେସରକାରୀ ସଂଗଠନଗୁଡ଼ିକର ସମର୍ଥନ ଲୋଡିଛନ୍ତି ।'