ନୂଆଦିଲ୍ଲୀ: ଜଏରାଇଡ଼ ସଉକ ପୂରଣ କରିବା ଲାଗି ଚୋର ସାଜିଲେ ଯୁବକ । ଆଉ ଅନ୍ୟ ଲୋକଙ୍କ ବାଇକକୁ ଚୋରି କରି ନିଜର ସଉକ ପୂରଣ କରୁଥିଲେ (Man stole bikes for Joyrides) । ରାଜଧାନୀ ଦିଲ୍ଲୀରେ ଏପିର ଜଣେ ଅଜବ ସଉକ ରଖିଥିବା ଯୁବକଙ୍କୁ ଗିରଫ କରିଛି ପୋଲିସ (Most wanted auto filter ) । ଦିଲ୍ଲୀର ଦ୍ବାରକା ଜିଲ୍ଲାରୁ ଏପରି ଜଣେ ଯୁବକଙ୍କୁ ଦିଲ୍ଲୀ ପୋଲିସ ଗିରଫ କରିଛି ।
କେବଳ ନିଜର ସଉକ ପୂରଣ ଲାଗି ଯୁବକ ଜଣକ ବାଇକକୁ ଚୋରି କରୁଥିଲେ ବୋଲି ଜଣେ ବରିଷ୍ଠ ପୋଲିସ କର୍ମଚାରୀ କହିଛନ୍ତି । ଉକ୍ତ ଯୁବକଙ୍କଠାରୁ ୧୦ଟି ବାଇକକୁ ଜବତ କରିଛି ପୋଲିସ । ଯୁବକ ଜଣକ ବାଇକ ଚୋରି କରିବା ଲାଗି ବିନ୍ଦାପୁର ଅଞ୍ଚଳକୁ ନିୟମିତ ଆସୁଥିବା ନେଇ ବିଶେଷ ସୂତ୍ରରୁ ଜାଣିବାକୁ ପାଇଥିଲା ପୋଲିସ । ଏହି ବାଇକ ଚୋରକୁ ଧରିବା ପାଇଁ ପୋଲିସ ଏକ ସ୍ବତନ୍ତ୍ର ଟିମ୍ ଗଠନ କରିଥିଲା । ବାଇକ ଚୋରି କରି ଯାଉଥିବା ସମୟରେ ତାକୁ ପୋଲିସ ଧରିବାକୁ ଉଦ୍ୟମ କରିଥିଲା ।