ତଣ୍ଟିରେ ଅଟକିଗଲା ଅଣ୍ଡା ଅମଲେଟ, ଚାଲିଗଲା ଯୁବକଙ୍କ ଜୀବନ

ତଣ୍ଟିରେ ଅଟକିଗଲା ଅଣ୍ଡା ଅମଲେଟ । ମଦ ପିଇ ମଜା ନେଉଥିବା ବେଳେ ତଣ୍ଟିରେ ଅଟକିଗଲା ଅଣ୍ଡା ଅମଲେଟ । ଚାଲିଗଲା ଯୁବକଙ୍କ ଜୀବନ । ଅଧିକ ପଢନ୍ତୁ

ହାଇଦ୍ରାବାଦ:ମଦ ସାଙ୍ଗକୁ ଚାଖଣା ଥିଲା ଅଣ୍ଡା ଅମଲେଟ । ମଦ ପିଇବା ପରେ ଆଣ୍ଡା ଅମଲେଟ ଖାଇ ମଜା ନେଉଥିଲେ ଯୁବକ । ହଠାତ ତଣ୍ଟିରେ ଅଟକି ଗଲା ଅଣ୍ଡା ଅମଲେଟ । ଆଉ ନିମଶକ ମଧ୍ୟରେ ଚାଲିଗଲା ଯୁବକଙ୍କ ଜୀବନ(Man Died After Omelette Stuck in his throat ) । ଏଭଳି ଘଟଣା ଘଟିଛି ତେଲେଙ୍ଗାନାର ଜାନଗାଁଓନ ଜିଲ୍ଲା ବଚ୍ଚନପେଟ୍ଟା ଅଞ୍ଚଳରେ । ମୃତକ ଜଣଙ୍କ ହେଉଛନ୍ତି ଭୁପାଲ ରେଡ୍ଡୀ । ଏପରି ଅଘଟଣ ପରେ ମଦ ଦୋକାନ ମ୍ୟାନେଜର ଏନେଇ ପୋଲିସକୁ ଜଣାଇଥିଲେ । ପୋଲିସ ଏନେଇ ଏକ ମାମଲା ରୁଜୁ କରି ତଦନ୍ତ ଚଳାଇଛି ।

ମିଳିଥିବା ସୂଚନା ଅନୁଯାୟୀ, ଭୁପାଲ ରେଡ୍ଡୀ ମଦ ଦୋକାନକୁ ଯାଇ ତାଙ୍କର ପ୍ରିୟ ମଦ ବ୍ରାଣ୍ଡ କିଣି ପେଗ ବନାଇଥିଲେ । ଏହାପରେ ସେ ଚାଖଣା ପାଇଁ ଅଣ୍ଡା ଅମଲେଟ ଅର୍ଡର କରିଥିଲେ । ଅମଲେଟ ଆସିବା ପରେ ଟିକେ ମଦ ପିଉଥିଲେ ଓ ଆମଲେଟ ଖାଉଥିଲେ । କିନ୍ତୁ ହଠାତ ଅମଲେଟ ଖଣ୍ଡ ଯୁବକଙ୍କ ତଣ୍ଟିରେ ଅଟକି ଯାଇଥିଲା । ଫଳରେ କିଛି ସମୟ ପରେ ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଥିଲା । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଯୁବକଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବାପରେ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।