ସାମ୍ୱାଦିକା ରାଣା ଆୟୁବଙ୍କୁ ହତ୍ୟା ଧମକ, ଅଭିଯୁକ୍ତ ଗିରଫ

ସାମ୍ୱାଦିକା ରାଣା ଆୟୁବଙ୍କୁ ଦୁଷ୍କର୍ମ ଏବଂ ହତ୍ୟା ଧମକ ଦେଇ ଜଣେ ଯୁବକ ଗିରଫ । ଅଭିଯୁକ୍ତକୁ ଗତକାଲି(ଗୁରୁବାର) ମୁମ୍ବାଇ କ୍ରାଇମବ୍ରାଞ୍ଚର ସାଇବର ପୋଲିସ ଗିରଫ କରିଛି । ଅଧିକ ପଢନ୍ତୁ

ମୁମ୍ବାଇ:ସାମ୍ୱାଦିକା ରାଣା ଆୟୁବଙ୍କୁ ଦୁଷ୍କର୍ମ ଏବଂ ହତ୍ୟା ଧମକ ଦେଇ ଜଣେ ଯୁବକ ଗିରଫ । ସାମାଜିକ ଗଣମାଧ୍ୟମ ଫେସବୁକ, ଇଷ୍ଟାଗ୍ରାମରେ ରାଣା ଆୟୁବଙ୍କୁ ହତ୍ୟା ଧମକ ଦେଉଥିଲା ଯୁବକ । ତେବେ ଅଭିଯୁକ୍ତକୁ ଗତକାଲି(ଗୁରୁବାର) ମୁମ୍ବାଇ କ୍ରାଇମବ୍ରାଞ୍ଚର ସାଇବର ପୋଲିସ ଗିରଫ କରିଛି ।

ଗିରଫ ଯୁବକର ନାଁ ସିଦ୍ଧାର୍ଥ ଶ୍ରୀବାସ୍ତବ ହୋଇଥିବା ବେଳେ ତାର ବୟସ ୨୪ ବର୍ଷ । ଯୁବକର ଘର ଭୋପାଳରେ ଏବଂ ସେ ଏକ କପଡା ଦୋକାନରେ କାମ କରୁଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ଗିରଫ ପରେ ଅଭିଯୁକ୍ତକୁ ବାନ୍ଦ୍ରା କୋର୍ଟରେ ହାଜର କରାଯାଇଛି ।

ଗିରଫ ଯୁବକ ରାଣା ଆୟୁବଙ୍କୁ ସାମ୍ୱାଦିକତାରୁ ନିବୃତ୍ତ ରହିବାକୁ ଧମକ ଦେଇଥିଲା । ସାମ୍ୱାଦିକତା ଜାରି ରଖିଲେ ପରିଣାମ ଭୟଙ୍କର ହେବ ବୋଲି କହିବା ସହ ହତ୍ୟା ଧମକ ଦେଇଥିଲା । ଅଭିଯୁକ୍ତକୁ ମୁମ୍ୱାଇରୁ ଗିରଫ କରିଛି ପୋଲିସ । ପୋଲିସ ନିଜ ହେପାଜତକୁ ନେବା ପାଇଁ ଅପିଲ କରିଥିବା ବେଳେ କୋର୍ଟ ଅଭିଯୁକ୍ତକୁ ନ୍ୟାୟିକ ହେପାଜତକୁ ପଠାଇଛି ।