ନୂଆଦିଲ୍ଲୀ: 18 ତାରିଖରୁ ସ୍ବତନ୍ତ୍ର ଅଧିବେଶନ ଆରମ୍ଭ ହେବ । ଗଣେଶ ପୂଜା ଅବସରରେ ଏହି ନୂଆ ସଂସଦ ଭବନରେ ପ୍ରଥମ ଥର ଅଧିବେଶନ କାର୍ଯ୍ୟ ହେବ । ତେବେ ଆଜି(ରବିବାର) ଏହି ନୂତନ ସୌଧରେ ଧ୍ବଜାରୋହଣ କାର୍ଯ୍ୟକ୍ରମ ରହିଛି । ତେବେ ଏଥିରେ ଅଂଶଗ୍ରହଣ କରିବେନି କଂଗ୍ରେହ ହାଇକମାଣ୍ଡ ମଲ୍ଲିକାର୍ଜୁନ ଖଡଗେ । ଖଡଗେ ଏନେଇ ରାଜ୍ୟସଭା ସଚିବ ପି.ସି ମୋଦିଙ୍କୁ ଚିଠି ଲେଖି ଅଗଗତ କରିଛନ୍ତି । ଏବେ କଂଗ୍ରେସର ଦୁଇ ଦିନିଆ କାର୍ଯ୍ୟକାରିଣୀ ବୈଠକ ହାଇଦ୍ରାବାଦରେ ଆରମ୍ଭ ହୋଇଛି । ଆଜି ଏହି ବୈଠକରେ ଖଡଗେ ଉପସ୍ଥିତ ରହିବା କାରଣରୁ ଦିଲ୍ଲୀରେ ହେବାକୁ ଥିବା କାର୍ଯ୍ୟକ୍ରମରେ ଅଂଶଗ୍ରହଣ କରିପାରିବେ ନାହିଁ ବୋଲି ଚିଠିରେ ଉଲ୍ଲେଖ କରିଛନ୍ତି ।
ଖଡଗେ ରାଜ୍ୟସଭା ସଚିବଙ୍କୁ ଲେଖିଥିବା ଚିଠିରେ ଉଲ୍ଲେଖ କରିଛନ୍ତି,‘‘ନୂତନ ତଥା ଗଠିତ କଂଗ୍ରେସ କାର୍ଯ୍ୟକାରିଣୀ କମିଟିର ବୈଠକ ଗତକାଲି ଏବଂ ଆଜି ଯଥା 16 ଏବଂ 17 ତାରିଖରେ ହାଇଦ୍ରାବାଦରେ ଧାର୍ଯ୍ୟ କରାଯାଇଛି । କାର୍ଯ୍ୟସୂଚୀ ବହୁ ପୂର୍ବରୁ ସ୍ଥିର ହୋଇଥିଲା । ମୁଁ ଏହି କାର୍ଯ୍ୟକ୍ରମ ପାଇଁ ହାଇଦ୍ରାବାଦରେ ଅଛି । ଆଜି ସଂଧ୍ୟାରେ ଦିଲ୍ଲୀ ଫେରିବାକୁ ଥିବା କାରଣରୁ ସଂସଦ ଧ୍ବଜାରୋହଣ କାର୍ଯ୍ୟକ୍ରମରେ ସାମିଲ ହୋଇପାରିବି ନାହଁ ।